經過尋晚同『愛人』傾完之後，再加埋我用左一整夜去反覆思量．．．
我今早返工就同佢傾埋最後o既決定，因為我知道呢個方案佢一定接受～！！

我知道再咁糾纏落去都係冇意思，而且佢宜家已經去到唔怕鬧o既階段～！！
既然係咁．．．我就唯有將早前傾過o既方案，重新做過大幅度o既調整～！！

我知道要佢再讓步根本就唔可能，所以我唯有選擇用呢個方法去解決啦．．．
事因佢係我『愛人』呢個特殊身份，故此我就俾佢以無限期形式去還債～！！
至於我是次唯一附加o既條件，就係希望佢日後可以咩都係行自動波嚕～！！

回心一想．．．佢尋日開出俾我o既條件，其實我係可以就咁接受左就算～！！
雖然我唔可以完全令佢肯的起心肝戒煙，但佢就話佢會將個數字向下調啦～？！
但係經過我同佢討論完之後，我始終都係覺得呢個只係治標o既方法～！！

我唔想用到一個用o黎對付小學生o既方法，搞到要走去set quota嚕～！！
而我真正希望o既．．．係佢為左自己去做，而唔係為左應付我而去做呀～！！

話就話佢係唔怕俾我鬧，但係佢應該心知我唔止識用呢一招咁簡單o既～？！
相比之下．．．佢就似乎比較怕我對住佢玩黑面，唔睬佢或者發脾氣嚕～！！
咁當然呢ｄ招數都係未去到我要玩放棄o既階段，我先仲會用呢ｄ方法啦～！！

而o係我今早未正式同佢傾之前，我就先同佢預告話今日繼續傾埋呢件事～！！
當佢聽到我話個方案係佢必定接受之時，佢就笑笑口問我係咪決定放棄追數～？！

及後到我正式同佢交代呢個方案o既時候，佢個樣又突然好神色凝重喎．．．
起初我都覺得好奇怪．．．點解早段又識笑，宜家又突然變到咁認真呢～？！

到我正式同佢講好晒個新方案之後，佢又突然間轉台玩唱歌仔喎．．．
經過兩轉傾呢堆野o既時間裡面，我覺得佢知道我呢次讓步都係為佢好嚕～？！
而且佢係應該知道我選擇咁做o既原因，所以o係佢深呼吸完之後就識笑返～！！

雖然前後兩轉o既會談當中，佢都係有繼續同我鬥氣兼講條件呀．．．
但明顯佢係心知我係好錫佢，所以先會令佢有前後幾個唔連接o既反應嚕～！！

最後．．．我地今日仲傾到下個月o既Monthly Gathering打算點樣安排啦～？！
佢問我下個月o既Gathering係咪會叫埋阿仔，同埋計劃係咪跟返之前所傾o既咁～？！

雖然日期暫時就仲未揀好邊日，但呢樣我地就已經有左個初步共識啦．．．
事關人物、地點同埋內容都已經傾好左，只要傾好埋日子就已經可以落實～！！