自『愛人』正式搬左過o黎屯門之後，我o既時間表都要重新做過調整啦～！！
因為為左配合佢適應新生活上o既各個問題，現階段就要做好多過渡期o既安排～！！

由於Marcus會逢星期一及二晚都要返學，所以夜晚就只係淨返『愛人』一個．．．
正正就係因為呢個原因，我從呢個月開始就要從新做過晒時間上o既調配喇～！！
話晒都唔想每晚都係得返佢一個，所以我呢段時間就會抽多左時間陪下佢啦～！！

至於相關性o既全新安排，我o係早前亦都已經同『愛人』講左一次啦．．．
平日o既星期一及二晚．．．如果佢o係屯門o既話，佢就會有優先約期權嚕～！！

由於今晚同樣係預先留左俾佢，所以我地今日放工就選擇左一齊走喇．．．
首先．．．佢就俾我返屋企換左個樣，及後我就同佢返寶田放低ｄ野啦～！！

就係因為時間尚早o既關係，所以我地就o係到hea左一排先行出去食晚飯．．．
由於佢今早同我講話想食粥o既關係，所以我就揀左同佢出去新墟到食嚕～！！

我地呢轉見面照舊公私兩談，不過呢次反而就係以傾私事為主力喎．．．
因為公司o既事都已經完得七七八八，所以呢方面都冇咩可以再好傾啦～！！

不過關於佢o既形象同觀感方面，我知道公司ｄ人對佢係完全誤解晒啦～？！
因為．．．佢一直俾人o既感覺同原本實在o既佢，根本就係兩件事囉～！！
但如果想知道佢真正o既一面，的確係需要花ｄ時間同心機先可以睇得好清楚～！！

正正就係佢俾大家o既感覺，就好似佢自己把口所形容o既一樣咁是但同求其．．．
所以全公司上下除左我之外，根本就冇一個人係好了解佢真正o既本性囉～！！＞＜”

我有問到佢．．．係咪真係有必要咁樣誤導班人，而令大家誤會佢o既為人～？！
而佢就好堅持咁話呢班人唔係佢要o既人，所以佢唔覺得有需要改變現狀喎～！！
公司班人鍾意點睇同點諗佢個人都好，就由得佢地繼續咁諗咁睇咪算喎～！！＞＜”

另一方面．．．
自我同佢真正相熟之後，其實我地兩個o既生活模式都陸續出現左改變啦～！！
好多從前我地本身唔會做o既野，宜家都竟然會為左對方而去作出相關改變嚕～！！

其實我o係早前知道佢覺得我好重要，我都已經覺得夠晒喜出望外o架喇．．．
但對於我o既重要而能夠令佢有所改變，我就唔覺得我係有咁大o既影響力啦～？！

畢竟．．．佢都已經咁大個人，再者佢都應該有左既定o既性格同模式啦～！！
但當佢今晚同我講話我真係改變左佢某ｄ野o既時候，我真係覺得好突然嚕～！！

再者佢又一再強調．．．二人間o既關係，並唔一定同時間或年資扯上關係囉～！！
因為佢覺得我同佢之間o個種相處o既感覺，已經進一步再提升多一個層次喇～！！
而且．．．我地現階段o既呢個相處模式，佢又覺得好融洽同埋開心喎～！！

佢話．．．我地都真係應該慶幸從前發明左Monthly Gathering呢樣野啦～！！
因為我同佢o既關係可以進步神速，其實都真係因為我地有左呢個開始同經歷～！！

再者及後o既我又會為左佢，成日都要老遠咁走去粉嶺到見佢或者陪佢啦～！！
因為佢覺得．．．我係唯一肯為佢而咁去做，而又令到佢覺得好感動o既人呀～！！
 
因為所以

手是你的 因而迷亂
眼是我的眼 看不倦
人是熟悉的 因此掛念
情是撲溯的 因此談不厭

心是我的 所以醉倒
你別要管我 怎麼做
容貌極端好 因而愛慕
還是每個都 越愛越覺好

如果只因你可親 靈魂便應聲被牽引
為何在 門外那人 難暫時附在我身
如果只得你體溫 才能治我虛弱的吻
並無任何道理 所以是愛人

因為記起 所以記起
貼著你心跳 那滋味
仍然在一起 除非分離
才明白 迷惑背後 的定理

因為太想 所以緊張
有沒有真相也一樣
從來便欣賞 因而漂亮
還是沒信心便努力拍掌

如果只因你可親 靈魂便應聲被牽引
為何在 門外那人 難暫時附在我身
如果只得你體溫 才能治我虛弱的吻
並無任何道理 所以是愛人

因為記起 所以記起
貼著你心跳 那滋味
仍然在一起 除非分離
才明白 迷惑背後 的定理

而流淚 全為證實 這定理