今日一連兩場唔o係屋企食飯，因為我全日都同左同事出去食嘛．．．
不過今日全日兩餐都一齊食飯o既人，其實都只係肥妹同埋Tina兩個啦～！！

因為我好耐冇同Tina一齊食過lunch，所以晏晝呢場就係特別約左o既．．．
至於夜晚o個場，就係佢地兩個要落元朗捐血而約埋我一齊出去食飯傾計嚕～！！

而今日我地三個所談論到o既話題，主要都係圍繞住公司裡面o既人事問題～！！
由於我地部門o既分派問題嚴重，同時我地呢班同事o既共同敵人又係同一個人～！！
所以．．．我地圍內每個人都知道相關問題o既嚴重性同埋厭惡性嚕～！！

至於夜晚呢場方面，放工之後就先陪佢地兩個去左元朗捐血啦．．．
及後我地就去左食左一餐好貴o既晚餐，而晚餐之後仲走左去食埋甜品添啦～？！
雖然呢次食飯o既開支就真係貴左ｄ，不過今晚全部野食都真係好好味呀～！！

而呢場o既話題除左繼續上半場o既談論之外，另外就係講我地私下o既事啦～！！
由於我同『愛人』o既關係係比較特別同觸目，所以肥妹就問及我相關o既野～！！
當然．．．一早同我及『愛人』已經熟左o既Tina就早已有左認知啦～！！

由於『愛人』將於下星期開始，就應該會正式過o黎屯門展開新生活啦．．．
所以呢期都係繼續忙於幫佢跟下呢方面o既事，但無奈佢又真係令我好勞氣嚕～！！

因為Tina係比較清楚我同『愛人』o既相處，但係佢又覺得我太縱容『愛人』嚕～！！
Tina話我實在太遷就『愛人』，所以搞到佢有咩事都會比較依賴我去同佢執手尾～！！

另一方面．．．
『愛人』今日收工之後就要同Marcus出沙田，而夜晚就會折返屯門過夜～！！
所以佢早就已經知會我有關事宜，同時又同我講話佢返到o黎就會打俾我啦～！！

無奈佢地真係去到好夜，接近11:00pm左右o既時間都仲係身處o係上水附近～！！
所以呢晚原定拎野過去俾佢o既計劃，就將會延遲至o黎緊o既假日或下周再搞～！！

不過．．．佢話佢想o係呢個星期日就去買埋ｄ日用品同埋床褥等o既物品～！！
所以佢就提早問定我，呢個星期日可唔可以安排個時間陪佢去搞埋呢ｄ手尾嚕～？！