距離『愛人』正式搬o黎屯門o既日子又近一步，今日佢地就要去新居等傢俬啦．．．
而我今早就同佢傾左一排MSN先，之後就約好下午會合埋佢地一齊上去睇下啦～！！

由於我中午約左個朋友一齊食lunch，所以我就要食完野後先過去寶田到等佢啦．．．
而o係今次o既會面當中，我就先後認識左佢兩位中學同學兼一齊傾下計咁啦～！！

我同個朋友差唔多食完lunch之際，『愛人』就打o黎同我講佢搭緊車過o黎．．．
而我同個朋友傾多陣之後，就自己行過去寶田巴士站到等埋佢地上去啦～！！

其實同佢一齊住o既呢個朋友，我早前已經o係佢Facebook同Tina口中有個認知～！！
只係今次正式見面兼陪佢地一齊等野，所以呢轉就係我地首次會面同交談啦～！！
對於Marcus我就叫做有個認知，不過之後出現o既阿Ling就真係完全唔識喇～！！

至於全新安排方面．．．
我知道『愛人』會於星期一至四留o係呢邊，而假期前後就會返過去原居地啦～！！
雖然佢話平日會留o係呢邊，不過佢同時要視乎屆時佢係咪有約在身要外出～？！

另一方面．．．
隨住佢八月份就會過o黎o既關係，及後好多o既會面或活動方案就要作出修改啦～！！
以往o既Monthly Gathering多數會擺o係周末，而且我地多數都會揀返o係粉嶺見～！！
不過之後o既安排，我地就可能會改為做平日版o既Weekly或Daily Meeting喎～！？

佢話佢搬左過o黎之後，我地見面o既機會同埋次數都應該會比目前再為大增．．．
而且我地又可以避免左車程o既時間等問題，所以佢話我會因為咁而開心左喎～！！
因為佢話佢會俾我到精神上o既滿足同快樂，咁樣做比起我去搭巴士會更見效益～！？

另外．．．我地早前已經講好左，佢o係八月開始就要正式調整其活動數目啦～！！
而呢個月佢亦因為北上個數太爆o既關係，而令我同佢好幾次差ｄ嘈起上o黎～！！
不過佢就好強調話．．．到佢搬左過o黎之後，佢就會變返做一個宅男嚕～！！

唔經唔覺我地三個男仔一搞就搞到6:30pm，而及後佢另一個朋友就到場喇～！！
最初我都以為自己差唔多係時候要離開，之後o既時間就交返俾佢地三位啦～！？
點知o係呢個時候，佢地就話叫埋我今晚一齊出去食餐飯同埋傾下計喎～！！

而o係未出去食飯之前，我地四位就o係到先傾左一排計同埋搞下笑咁啦．．．
佢地亦有就間屋o既設計同擺設談論過，同時亦都有傾下過左o黎後o既生活啦～！！
畢竟佢地都係第一次搬開同朋友一齊住，而且仲要係搬去一個全新o既地區呢～？！

而o係呢次同佢兩位朋友o既對話當中，我或多或少都對佢地有左基本印象啦～！！
至於佢地o係講完左佢地近日生活之後，期後談及到感情線呢部份先係重點呀～！！

因為呢部份講到佢地拍拖同擇偶o既要求，同時又提到分手後o既處理及面對．．．
就o係呢段時間裡面，佢地就問及『愛人』同佢前任女朋友分手o既處理手法啦～！！

聽落會令我覺得『愛人』係可以做到好絕，但佢就可用較短o既時間就變返理性～！！
其實我o係早前已聽過下呢段情o既問題，但係佢玩過同居呢樣野就真係今日至知～！！

另一方面．．．
早前『愛人』因為要落樓接佢個朋友上o黎，所以我同Marcus就傾過下計啦～！！
同佢一傾之下就發覺我同佢真係有ｄ似，而且對『愛人』o既睇法亦都好接近啦～！！
但透過一段對話之後，我先知道佢原來係未上過『愛人』花都廣場間屋企嚕～？！

至於外出食晚飯o既時段，我地就揀左出去屯門市中心到食韓國野啦．．．
呢餐飯就真係有講有笑，而且我地三個人仲竟然一齊夾擊到『愛人』唔識俾反應～？！

雖然我係第一次同佢兩位朋友會面，但我地都叫做可以好快咁就玩得埋喇．．．
最初．．．我都擔心自己同佢地有冇野講到，氣氛又會唔會搞到好似好怪咁囉～！？

但係呢部份我地又係傾得玩得，而且我地又再一次拎『愛人』o黎做目標喎．．．
而呢轉當中講到o既野就繼續有感情線，而另一主題就係講到睇相o既問題喇～！！

呢部份聽佢地講到自己睇完相之後o既感覺，當中就話有準有唔準啦．．．
而佢地就好似已經將內容過濾過咁，不論係好係壞o既都叫做各信住一半先啦～！！

而最後部份講到『愛人』現役o既呢段情之時，大家就突然變到好認真啦．．．
阿Ling就話個女仔點睇都唔o岩『愛人』，而且仲叫『愛人』唔好再晒時間糾纏～！！

至於命中注定o既野好多時都好難改變，而我地又係咪要認真咁去反思一下啦～？！
因為今晚最後探討o既部份，佢地就竟然係講到生命同埋珍惜呢兩個重點喎～！！

由於我同『愛人』早前都講過有關問題，而今晚又咁o岩大家都講到呢個話題～！！
而我地就將『愛人』睇相後得出o既結論，以一個搞笑形式o既手法擺落件事啦～！！

每個人最終都要面對死亡同分別．．．
但最後邊個會真正陪自己走埋最後一程，呢個正正就係我地所傾o既事嚕～？！
而我同『愛人』都曾經講過，我地是但一個最終都要幫對方做埋最後呢件事～！！