今日收工之後就好趕咁走，因為我約左Raymond今晚一齊出去睇演唱會呀～！！
好快咁返o黎屋企沖涼同換過套衫之後，我就要即刻趕住搭車出去會合佢喇～！！

去到紅磡車站之後就先打俾佢，因為我要佢幫我買左ｄ野食先嘛．．．
由於佢早就已經去到呢到食住野等我，所以我就叫佢快快手咁幫我買埋就算～！！

食野兼傾左一陣間計之後，我地就要準備行過去入場睇今晚個show啦．．．
演唱會雖然唔係第一次睇，不過每次睇親都總係有種好興奮及期待o既感覺～！！

今晚睇克勤個演唱會感覺良好，因為佢唱現場o既唱功真係冇得彈呀．．．
而呢次個show唱左都算係幾多好聽o既歌，而且絕大部份我都係有聽過啦～！！

而今次呢個演唱會同之前睇過o既比較，就係呢個show真係賣唱功啦．．．
因為主角完全係冇跳唱過，主要都係將ｄ好聽o既歌去重新編曲及演繹啦～！！

而當中聽到一ｄ耳熟能詳o既舊歌o個陣，內心o既共鳴感就份外強烈．．．
可能係因為呢堆歌勾起我一ｄ曾經o既回憶，令我諗返起好多從前o既日子啦～！！

無論係現在定係過去，呢ｄ歌都的的確確俾到一種好深o既感受我啦．．．
部份作品o既歌詞更加令我諗起近年o既人同事，諗起身邊一切所有o既改變～！！

唔經唔覺睇到近11:30pm先完場，所以我最後都係搭返260R返o黎屋企啦．．．
至於Raymond就早過我返到屋企，及後我地再傾左陣MSN就真係要正式去訓喇～！！