尋晚我同左俊俊去食晚飯，而經呢餐飯之後就真係知道得更多喇．．．
其實三子o既關係早就開始有唔妥，只不過係察覺到而唔打算開聲嚕～！！

而三子宜家o既關係就好似越o黎越表面化，或者呢個就係定局啦～？！
緣份呢樣野真係好奇怪，就算俾你地相遇到都未必可以做到朋友嚕～？！

而呢餐飯o既出現，或多或少都係同肥仔及『愛人』有關o既．．．
事關俊俊約左佢地都好耐，但佢地就因為爆期問題而拖至今日都未成事～？！
所以俊俊就把心一橫約我陪佢去食野，而且過程中就傾左ｄ野啦～！！

有關呢件事o既各方面問題，其實我早前都已經同『愛人』傾過下．．．
再加埋今晚呢次同俊俊私下咁傾，反而令我更睇透佢地之間o既關係囉～！！

往往．．．就係因為人有得去選擇，所以先會有比較o既情況出現囉～！！
而呢個問題唔及早解決，佢地之間o既關係就好可能只可以去到呢個階段～！？
我理解且明白佢地各自o既性格同埋特點，所以我知道要點樣去接受～！！

今晚個飯局好快咁完左之後，我同俊俊就各自散去返左屋企喇．．．
而『愛人』夜晚照舊有打o黎，而佢今次打o黎好似係想知道ｄ咩咁啦～？！

就住今晚我同俊俊o既對話，我都有同『愛人』交代過一次啦．．．
而且我亦都同佢提出數個要點，希望佢可以知道問題重點出左o係邊到嘛～？！

其實早前多次同『愛人』會面時，我都已經先後暗示過ｄ野俾佢知啦．．．
事關我早就意識到有ｄ野係唔同左，而且身邊部份o既同事亦都feel到有古怪嚕～？！

至於今晚從俊俊口中聽到o既不滿，其實我同『愛人』都曾經經歷過～！！
畢竟人同人o既相處係唔可能冇溝通，再者二人間欠缺共識又係另一問題～？！

而我同『愛人』兩人間o既演變，其實就係一個好o既事例啦．．．
彼此間o既關係或感情如果真係想要進步，其實都係好靠雙方努力同埋個心～！！
始終．．．要從同事o既身份去轉變做朋友，的確係有一定性o既難度囉～！！