呢排心情持續好差同暴燥，所以個人日日都覺得好繃緊．．．
我已經試過唔同方法去嘗試解決，希望可以令自己唔好繼續咁憫啦～！！

一向用開o既方法都試過晒，就連搭巴士呢招出埋都竟然係冇用囉～！！
而身邊一眾o既朋友及掛牌們，就先後都有打o黎或者Msg去開解過我啦～！！

至於尋晚就同妖人去左碼頭一轉，望住個海兼吹下海風傾左一輪計啦．．．
而我大部份o既怨氣雖然已經宣洩左，不過我仍然希望可以放返個長假囉～！！
我突然間好想離開下香港，可以咩都唔使諗同唔使煩咁去放鬆一下自己呀～！！

另一方面．．．
雖然自己o既生日就快到，而身邊o既人亦已經陸續安排好場次同計劃啦～！！
但係就係因為近日心情o既問題，搞到我對乜野都提唔起興趣去做去理嚕～！！
我又開始有一種唔想見人；咩都唔想去做去玩，只係想收埋自己o既感覺喇～？！

以前o既我．．．或者會選擇好任性咁去勁買野o黎發洩不快啦～！！
不過今日唔同往日，我已經唔再揀用呢個方法去釋放自己內心o既不快喇～！！

至於今日下午，我又過左去粉嶺到搵『愛人』陪我食野同埋傾計喇．．．
佢都知道我近日非常煩燥，所以佢先特登叫我去佢到一轉幫我解決問題啦～！！

佢知道我有問題之後，就即時叫我千其唔好選擇收埋自己乜都唔做喎．．．
既然試晒多種方法都係唔得o既話，就證明我係仲要搵方法咁徹底發洩一轉～！！
原本佢打算叫我同佢去游水癲下，但係我咩野行裝都冇就梗係做唔到啦～？！

及後我地就去左間茶餐廳到食下野吹下水，佢話佢稍後時間打算去旅行喎．．．
佢話佢一直都好想去台灣行下，而且佢近呢三年時間又冇去過旅行啦～？！

至於佢打算同人去旅行呢回事，我亦都只係俾左自己o既睇法同意見佢啦～！！
同時．．．佢又話想計劃下我地一齊出走，齊齊離開香港去旅行玩返轉喎～！？

另外．．．
佢今次竟然又問到我圈內部份掛牌o既事，佢似乎係有ｄ意欲想去識下大家咁～？！
無奈．．．佢唔可以o係我生日活動當日出場，所以要識人都仲要重擇日子～！！

另一方面．．．
佢又提到我生日活動o既事宜，話佢其實已經諗好左點樣同我慶祝喇喎～！？
雖然我仲未知道係咩o既一回事，不過佢肯去陪我過都已經算係咁啦～！！

至於我同佢之間o既關係同埋相處，最近又引起身邊同事o既揣測啦．．．
因為我地好巧合地一齊於30/6拎左假，所以身邊o既人就以為我地係夾埋啦～？！

但無疑．．．我同佢私底下o既關係，的的確確又係另一回事啦．．．
因為我地之間o既相處模式，係目前咁多個身邊o既同事都唔會做到o架嚕～？！
 
漣漪

生活靜靜似是湖水　全為你泛起生氣
全為你泛起了漣漪　歡笑全為你起

生活淡淡似是流水
全因為你變出千般美
全因為你變出百樣喜
留下歡欣的印記

靜默亦似歌　那感覺像詩
甜蜜是眼中的癡癡意
做夢也記起這一串日子
幻想不到的優美

生活淡淡似是流水
全因為你變出千般美
全因為你變出百樣喜
留下歡欣的印記

靜默亦似歌　那感覺像詩
甜蜜是眼中的癡癡意
做夢也記起這一串日子
幻想不到的優美