阿仔年度三個學習大計，第一個學年度階段終於都正式開始喇．．．
而呢三個重要大計裡面都包含左唔少生活元素，所以佢都係要必考啦～！！

首要就梗係講好條件，佢需要點樣去應考同埋學o既時期有幾耐啦～？！
至於呢三個大題o既考試，佢係需要考到一直及格或滿意o既程度先叫完成～！！
一旦遇有唔及格o既話，佢係必要將該考試範疇o既野考至及格為止囉～！！

而我亦相信第一個學期o既野，對佢o黎講都唔算係最怕同最難呀．．．
因為佢首轉要學o既野就係我畢生最強o既範疇，呢樣野就係香港巴士路線喇～！！

事前聽到佢都有興趣的起心肝去學，我無疑係覺得好開心o既．．．
因為我早年叫極佢學都唔冇反應，但係今次佢就真係肯認真咁跟我去學喎～！！

雖然我都唔會預期佢可以去到我咁，不過我都希望佢盡能力去學啦．．．
至於第二同埋第三學期要考o既野，相信都係佢對自己最冇信心同最怕o既野～！！

至於今晚o既堂先係第一堂，所以我地就由基本功開始入手啦．．．
首先就教佢將香港分成數個區分，期後就好簡單咁將香港o既巴士公司作介紹～！！

因為呢兩大範疇o既野雖要先有認知，及後要記同要學o既野先會易ｄ上手呀～！！
不過對於一向都搭慣鐵路o既阿仔o黎講，一下子要記咁多野就真係有ｄ吃力嚕～！！

而今晚除左要好正經咁同佢上堂之外，當然我地都係會傾下計啦．．．
上個月『愛人』個整體表現數字就係最好，而今個月相信阿仔都唔會差呀～！？

因為呢個月好多活動或者計劃，都係涉及到佢需要在場同我去做嘛．．．
當我地講起呢樣野o既時候，阿仔都覺得呢個月個數好可能會係佢歷年之冠添呀～？！