今日放假仍然都係好充實咁過，因為今日好多飯局約會要去呀．．．
訓醒搞完一輪野兼食埋個lunch之後，我就先出去新墟剪左個頭髮啦～！！

因為剪完頭髮之後，我就會開始今日上半場同偉倫o既會面喇～！！
早幾日佢打俾我話想約我見下面，所以我地就夾到個時間安排o係呢日啦～！！

雖然都已經有一段時間冇見過佢，但係見面同對話o既感覺都算良好～！！
而今次見面主要想講o既話題，就係佢近日ｄ生活事同埋感情事兩大方面啦～！！

知道佢已經冇再讀書兼搵到野做，不過感情方面就始終係麻麻啦．．．
就住佢所提出o既各個問題，我都先後俾左ｄ意見同埋處理方法俾佢啦～！！

至於今日另一場飯局方面，當然就係今晚同司欣o既飯局聚會啦．．．
其實呢個飯局之所以出現，其實都係因為早前司欣SMS我話幫佢落booking啦～！！

話晒佢都一年半有多o既時間冇同我地見面，所以呢次飯局真係好難得～！！
至於今晚出席人數方面，就由原定o既七個人變到得返六個人啦～！！

班細o既就因為各個問題而冇到，而Phoebe今晚亦都因為家有要事而缺席啦～！！
而司欣，我，子瑜，屈姐，Raymond同埋詩嘉，就一行六人去左市中心到食野啦～！！

咁耐冇見又難得佢自動出現，當然就係同佢講下佢自己同埋各位o既近況啦～！！
而佢今次亦都帶左好多手信俾我地，所以呢轉聚會都真係叫做傾得幾開心啦～！！

大家圍埋主要就梗係傾計同埋影下相，食野其實都變得只係其次囉．．．
今晚有講有笑o既氣氛真係唔錯，而且子瑜又繼續有發揮佢o既搞笑本色呢～！！

呢次聚會感情事就真係冇咩點講過，而我地主要都係講下工作方面o既事啦～！！
除左早前得知詩嘉轉左工之外，今晚就連子瑜都話佢份新工都只係做左兩日嚕～！！

唔知點解．．．．今晚見到咁多唱得之人，我就突然好想搞唱Ｋ活動囉～！！
畢竟司欣都已經有一年多時間冇出席活動，而我又好想可以再次同佢一齊唱歌～！！
希望稍後時間佢會多ｄ出現，而我地又可以繼續搞多ｄ聚會俾大家見面啦～！！