年度生日o既首個飯局，經過我地努力夾期之後就安排左o係今晚喇．．．
上半年度重點生日人物，唔使多講都知道會係我地之首o既阿姨啦～！！

正常o既情況之下，佢o既生日活動通常都係會有比較多人會出席o既．．．
但由於今年好多掛牌人都有事在身或已離港，所以今次搞左個少聚就算喇～！！

至於今晚出席o既除左主角之外，另外就仲有我、阿大、Raymond同埋屈姐啦～！！
而我今日下午由於有事出過九龍，所以最後都係接埋Raymond一齊返入o黎～！！

雖然我同Raymond約左一齊搭960返o黎，不過上車地點就係分開o既．．．
所以我去到灣仔碼頭總站o既時候就要通知佢，等佢知道要上邊部車會合我啦～！！

另一方面．．．
由於佢今年係首次出席阿姨生日，所以佢自己就預備左一份禮物啦～！！
呢份禮物雖然唔係玩咩特別意思，但係Raymond都係好有心思咁去揀o既～！！

會合左之後就梗係吹下水同埋玩爆料啦，因為早前又有意外發生左嘛．．．
而我都係從阿姨口中得知部份內容，知道佢同Tracy期間又有ｄ唔協調嚕～！！

由於返到入o黎屯門之後o既時間都尚早，所以我地就先去食左ｄ野啦．．．
繼續吹下水同埋hea左一陣先，之後就行過去接埋阿仔先一齊過市中心啦～！！

因為今晚飯局將安排於市中心食，所以主角同埋屈姐就自行過去啦．．．
主角收工之後唔使五分鐘就已到達，而飯局就可以o係呢個時間開始正式喇～！！

五個人圍埋一齊少不免吹水影相，咁當然都係講下大家近期ｄ事啦．．．
我地發覺今晚o既大家都好放，不論係傾邊方面話題都顯得特別輕鬆唷～！！
互串互玩一輪之後就接近飯局尾聲，而我地幾個就一齊送阿姨行返屋企啦～！！

除左阿大因為要早走之外，我地幾個人就繼續邊行邊傾計啦．．．
而且阿姨同埋屈姐仲係咁叫Raymond搬o黎屯門，話咁樣可以成日同我地玩喎～！！
其實真係可能住o既地方唔同，所以大家o既習慣始終都係有所唔同嚕～？！

我地喜歡圍埋一齊吹下水食下野，要見o既亦都係非常方便啦．．．
畢竟大家住o既地方都係屯門區，一個電話就已經可以約埋去某地點等喇～！！

至於o係送完阿姨返屋企之後，我同屈姐就送埋Raymond去搭車先散啦．．．
而o係大家各自都返到屋企之後，我地就繼續玩左排MSN先正式完結今晚活動～！！

而至於我自己方面，今日下午阿仔當然有打過俾我問下今晚詳情啦．．．
而今日全日最令我意外o既來電，相信都係我o係灣仔碼頭等緊960之時o既佢～！！

因為今日任何set左o既鈴聲都響過晒，當時我都有諗會唔會連佢都響埋呢～？！
點知諗左一陣間之後，我就竟然收到『愛人』電話問我今日去左邊喇～？！

佢話佢剛剛先訓醒冇耐要落街買野食，所以就諗住打o黎搵下我喎．．．
雖然佢把口就話放假都搵下我，不過我肯定佢係有事要相求先會出現啦～？！＞＜”

而佢呢四日假期o既行程安排，其實佢早前就已經同我講左一次o架喇～！！
至於佢今次o既來電除左係吹水兼有事相求外，當然就係同我講下尋日o既事啦～？！
先後透過電話同埋MSN對話，佢要俾我知同埋要講o既都已經叫做講晒喇～！！

我唔知道佢係咪特登咁做，成日想借機過ｄ料俾我去了解下佢啦．．．
不過我肯定我自己對佢o既認知都唔少，起碼都叫做比其他同事好得多先啦～！！