繼上星期接大妹放工傾計之後，今晚我地又叫做有過一聚啦～！！
因為早前屈姐約左我今晚一齊食飯，所以咪叫埋大妹到場傾計嚕～！！

原本今晚同事都想約我食飯，不過我都唔可以再度改期喇．．．
知道佢地兩個近日都發生左唔少事，所以都想搵個機會一齊傾下嚕～！！

放工之後就搭車出市中心，等埋大妹之後就一齊行去會合屈姐啦．．．
點知最早到左o個個就變左最遲先到場，不過都唔係咩大問題o既～？！

至於o係食飯之前，大妹就叫我地陪佢去買左件衫打算之後飲宴時著～！！
而等阿妹買完衫之後，我地就一行三人去左食飯兼埋吹水啦～！！

大家一段時間冇見，主力就梗係先講下近況同埋傾下近日o既問題啦～！！
呢排大家係工作上o既問題就唔係太多，反而感情同生活方面就多左ｄ事啦～！！

而佢地同我呻o既呢件事，我透過佢地Facebook都叫做略知一二啦．．．
全程近九成時間都係講緊呢件事，不過我相信o既能力係絕對能夠應付囉～！！

至於飯後時間，我地就轉戰去左阿妹公司到繼續傾下計咁啦．．．
呢場就到佢地問下我近況，至於主力關心我o既就仍然係感情方面問題啦～？！

同佢地都交代過近期ｄ野，而且又講過下近日公司方面o既事啦．．．
因為佢地都非常之八卦，好想知道我公司個『愛人』到底係個點樣o既人喎～？！

透過最近兩轉o既見面對話，其實我亦都反思左唔少曾經o既問題囉．．．
同時亦都發覺人係應該知道幸福，懂得去珍惜同感激身邊疼惜自己o既人～！！