放假o既時間真係過得特別快，話咁快又o黎到新年及聖誕假o既尾聲喇～！！
趁住最後一日假期仲有心情，所以就把握時間去完埋所有應該要做o既事喇～！！

由於早前所有影落o既相已到手，所以今日就約左Raymond出左旺角一轉啦～！！
同時又買好左一份生日禮物要拎俾佢，咁樣咪約今日放假交返晒俾佢嚕～！！

大約２：３０ｐｍ左右，其實我地兩個都已經到達左旺角附近喇．．．
不過我首先就去拎野兼訂埋車，所以之後先過去朗豪坊會合返佢啦～！！

隨後我地就計劃一齊去睇返套戲先o既，無奈場次唔o岩而最終令計劃告吹～！！
期後佢聽到我話有新車出，於是我又再陪佢去多轉訂車兼開埋會員卡喇～！！

我地出左一轉旺角o既代價，就係呢一年o既開始隨即就刺激消費喇．．．
到Raymond都訂好晒新車之後，我地就o係附近食左個下午茶兼吹左陣水喇～！！

大家吹水都係圍住近日熱話，或者傾下身邊ｄ人近日所發生o既事啦．．．
因為隨住呢年o既開始，我地都清楚知道大家o既人生快將踏入另一階段嚕～！！

就住唔同o既事情及情況去探討過，最終又令我學到唔少野啦．．．
呢個假期對我而言真係過得甚有意義，因為我可以有咁多領會一次過出現喎～！！
而呢ｄ體會同反思o既機會，或多或少都會對我人生路有唔少幫助唷～！！

送走左舊o既一年，希望新一年換入之後可以一切都順順利利啦．．．
佢地各位都講得o岩，其實我地o既人生一直所追求o既快樂到底係ｄ咩呢～？！

或者我地應該回心去諗一諗，還原基本步其實就係我地所想追．．．
我地人生唔應該『忘本』，唔應該忘記自己最初一直所想要o既簡單生活唷～！！