期待已久o既朋友約會，今晚終於都正式可以見面喇～！！
我地大家都忙左一段長時間冇聚，所以對今晚都好期待及覺得開心～！！

無奈．．．今晚綺雲因家有事在身，所以佢就未能出席喇～！！
至於今晚除左呢樣野令我有ｄ失望之外，其餘一切都算幾好呀～！！

大家想話約呢次聚會，其實都講左接近有半個月時間啦．．．
同時Ｔｒａｃｙ亦希望藉呢次機會，幫詩嘉搞返個少少o既生日補祝嚕～！！

至於是次聚會揀o既地點就係旺角，事關佢地多數人都係出面返工嘛～！！
而我就o係收工後勁趕返屋企換過套衫，就好快咁搭車趕出去會合佢地啦～！！

至於車程間就先要同個仔聯絡，落實我地聽晚一個好重要o既活動啦～！！
期後我就要去太子訂左車先，然後先再過去約今晚食飯o既地方啦～！！

估唔到．．．竟然係我最先到達，佢地三個及後先逐一到達啦～！！
至於Ｔｒａｃｙ到場之後，我地就先傾左一排近況同睇左一陣相啦～！！

因為佢同阿Ｋｅｎ早前影左ｄ婚紗相，宜家有ｄ初版可以睇下先啦～！！
一睇之下．．．真係令我有ｄ衝動都想影返一輯，而且件事仲好浪漫嚕～！！

幾個唔同o既造型就帶出唔同感覺，呢刻更令我對佢地o既婚禮更有期待～！！
過後冇耐．．．詩嘉同埋阿Ｋｅｎ都到埋，咁樣我地就正式點野食啦～！！

呢個場都係我第一次去食，而且呢到個感覺同氣氛都唔錯囉．．．
至於一班好朋友難得聚頭，當然都會呻下自己o既不快或者係感情事啦～！！

大家好開心咁圍埋傾下計又食埋野，最後仲玩埋ｇａｍｅ同影埋相．．．
一個可以好放鬆自己去玩o既一個晚上，好快就要步入尾聲喇～！！

而我地計劃緊o既聖誕聚會，睇來都好大機會可以成事喎．．．
宜家我都好希望可以真係落實搞到，同時又好期待下一次o既會聚嚕～！！

或者．．．有ｄ野o既改變，我地都真係要學識慢慢咁去接受啦～？！
從前所喜愛同習慣o既生活模式，經過左時間o既洗禮演變成今日o既唔同～！！
咁到底．．．合久必分呢個又係一個道理，定係一個根本o既事實呢～？！