距離去睇Ｊｏｅｙ演唱會o既時間，仲有大約一星期左右啦．．．
所以呢排都多左重溫返ｄ歌，希望到時去到現場去以跟得上啦～！！

至於o係尋晚飯局之中，我亦有同Ｒａｙｍｏｎｄ傾到呢個話題啦．．．
自年頭時間睇左一次音樂會之後，臨近年尾又再次重踏紅館睇ｓｈｏｗ呀～！！

今年只係得返兩個月左右o既時間，好多今年o既大計好多都未落實到～！！
而近排Ｔｒａｃｙ已經著手同大家傾緊，下月聖誕節o既活動安排嚕～！！

至於我．．．
原定於十月及十一月要同個仔做o既野，計劃都係未能如期完成唷～！！＞＜”
十一月已經過左接近一半，而今個月o既重頭戲就已經落在演唱會喇～！！

睇怕．．．部份定於２０１０年要做o既野，都要推至２０１１年喇～！！
至於近日掛牌成員方面，亦出現左一個大量洗牌兼甩牌效應呀～！！＞＜”

本來已經唔夠掛牌人，宜家咁樣搞一搞就更加多左掛牌位要懸空～！！
而呢個效應之所以出現，多數都係因為其感情出現問題而搞到要甩牌嚕～？！

而今日下午就應個仔約，同佢出左去市中心食下午茶兼見面傾計啦～！！
又係事隔左差唔多一個月，我地先約到今日簡單咁見一見面啦～！！

其實．．．食野都係其次，主要目的都係希望俾個機會我地聚下啦～！！
見面主要都係講下大家呢排ｄ近況，而且又同佢講下近日家族上o既事情啦～！！

另一方面．．．
我今次亦有就住近期掛牌成員o既事宜，同佢作一個研究同探討啦～！！
當中除左希望佢可以學到野之外，另外就係想佢更明白人際處理o既困難～！？

當人越大．．．我地所需要考慮同埋顧及o既因素就會係咁增加唷～？！＞＜”
而且好多因素亦都唔單係外在咁簡單，因為內在問題同共識係同樣要留意嚕～！！

至於關於下周o既安排，以及演唱會溫歌o既情況亦已經傾過晒喇～！！
而關於未來活動o既共識及安排，今日亦有向佢交代過同埋問定晒ｄ期嚕～！！

話咁快就接近年尾時間，好多野都要趕住埋尾同埋計劃下一年度o既事喇．．．
呢一年雖然好多野都做唔到，但我仍然希望捉緊餘下時間盡力去完成埋佢啦～！！