期待已久o既阿大生日及回歸派對，聽日就要正式登場喇．．．
所以今日就一定要將所有野傾好同埋尾，希望聽日一切都順利完成～！！

由於今日下午好野要處理，所以我就特登放假去搞埋佢啦．．．
返屋企食完ｌｕｎｃｈ之後，我就開始今日下午要忙o既野喇～！！

第一轉就係先去買演唱會門票，可以o係１１月o既時候同個仔去睇～！！
期後順路去買埋部巴士模型就搭車入城大，準備接個仔放學同埋傾ｄ野啦～！！

呢次之行上左佢宿舍到坐左陣，個環境o既感覺都叫做唔錯啦．．．
等個仔執好晒ｄ野同傾左陣計之後，我地就去起行去搭車返入屯門喇～！！

不過呢轉車程就真係好當黑，事關我地遇到巴士阿叔兼塞車啦～！！
我真係點都估唔到呢ｄ情景竟然會俾我遇到，而且仲要一次車程內咁多問題～！？

今日之行．．．
除左同個仔回顧左過去一星期o既野之外，同時都有講下家族事宜啦～！！
至於重點就梗係講下佢聽日o既行程及安排，當時其他o既事都有講過下啦～！！

至於回程返到屯門之後，佢首先要去我到度拎左ｄ野準備聽日用先．．．
逗留唔係太耐o既時間後，我就一定要放佢返屋企食飯同埋休息下喇～！！