自尋晚同個仔傾完計之後，今晚又再次有得傾．．．
宜家傾到計o既機會難得，所以我就梗係把握時間同機會啦～！！

今日整體心情就真係唔多好，因為好多事都唔太如願．．．
先係俾人嘈醒之後，跟手夜晚又同屋企人及某朋友嘈完來嘛～！！

就係由於我先後同人嘈左兩次，所以搞到心情更差．．．
最後就搞到我將自己鎖o係房到，而且仲諗野諗到好唔開心添呀～！！

原本都有諗過搵大妹傾下計，但最終都係冇咁做啦．．．
跟住又有諗過落樓行個圈冷靜下啦，點知又無啦啦落起大雨喎～！！

不過．．．就係因為咁，所以我先可以同到個仔傾計～！！
我原本都以為佢今晚唔再ｏｎ嫁喇，但點知佢又主動搵我喎～！！^.^

事關佢已經睇左ｄ野同知道左ｄ事，所以就出現搵我喇．．．
佢做足晒功課先出現，明顯係因為知道我心情已經陷入谷底嘛～！！

我好欣賞佢有守佢o既承諾，而且仲好有我心．．．
從我同佢o既對話間，我明顯係感覺到佢帶有一份關心同擔憂嚕～！！

佢好理解我o既心態同情況，所以佢知道只有佢做先會有效～！！
咁當然同個仔傾完計之後，我o既心情就梗係好返好多啦～！！