呢幾日內，除左尋日都有同個仔用ＭＳＮ傾計．．．
我o既生活突然間變得好靜，就係除左同佢傾計o個陣囉～！！

呢幾日傾o既野，主要都係講下佢o係o個邊ｄ生活．．．
因為佢始終人新路不熟，好多野都仍然仲係摸索緊嘛～！！

開左學都幾日，佢開始識到ｄ新朋友仔喇．．．
睇返佢ｆａｃｅｂｏｏｋ所講o既野，呢班人應該係『過客』嚕～！！
出到外面o既地方識人係必須，但都要改變一下自己o既模式喇～！！

對佢o係個邊o既生活，我都叫做有ｄ認知咁啦．．．
畢竟佢都已經有過初步介紹，所以我都要記得下佢ｄ生活事嘛～！！

不過今日個仔搵我o個陣，第一個反應就嚇親我唷．．．
佢ｓｅｎｄ左個喊樣過來，當時真係嚇到我以為佢出左咩事呀～？！
身處遠方o既佢萬一有咩事，我想幫佢都幫唔到ｄ咩啦～！！＞＿＜

原來．．．佢今日放學後，同左班同學去行商場買日用品～！！
但係點知想點程之際，可以搭o既直達巴士又已經開左尾班車喎～！！
咁所以就搞到佢要搭第二條線去轉車，就係咁所以就出左問題喇～！！

外國ｄ地方好大，所以佢都係要靠搭巴士出入．．．
但係點知佢落車之後，就因為佢唔多熟路而搞到盪失左路呀～！！＞＜”
好彩佢識得搵救兵去救佢，所以佢先可以安全返到屋企咋～！！