9/1/2010
自上年聖誕節前夕幫個仔裝完身之後...
個仔近日都有開始同我傾下呢類話題,而且都變得積極左~!!
佢都咁大個仔啦,我都覺得佢係時候要逐步改變...
而除左衫褲之外,佢同時都有問到我有關錶方面o既問題~?!
自從佢見過一隻黑鋼手錶之後,佢就好似有d想要咁~!!
雖然我都知道個仔對物質冇慾求,但我都記得佢講過d咩o既~!!
既然係咁...我就為佢為到底啦~!!
由於我今日要出去旺角交費,所以就o係出面行左一陣街先返來~!!
行下街o既同時,我都不忘要買多呢份禮物俾個仔囉~!!
睇左同揀左一輪之後,我最終都揀到一隻買左俾佢嚕~!!
呢隻錶係新出兼勁多功能,而且個款亦都好o岩個仔轉形用嚕~!!
雖然我唔係同個仔一齊去揀,但係我相信佢係會喜歡嫁~!!
因為佢都非常之信任我呢方面o既能力,而我又好想佢開心嚕~!!
買完隻錶之後,我就搭車返來兼打俾個仔啦...
最初個仔冇聽到電話,但後來到佢覆機o個陣我地先約今晚見面~!!
大約7:30pm左右,個仔就來到搵我啦...
送禮之前就梗係要有下開場白,而且我地又趁機傾下計先啦~!!
回想返2005開始,一直以來o既佢都不斷咁進步啦~!!
由起初唔多投入於家族生活,直到宜家我地兩仔爺深厚o既關係~!!
一路o既改變;一路o既經歷同埋一路o既進步...
除左令到佢得到大家o既認同之外,同時亦得到我對佢o既肯定~!!
下個月佢就要走喇,所以近日都忙緊準備最後一份禮物~!!
至於呢隻錶...就變左佢走之前尾二o既一份禮物喇~!!
一路以來...我都經常性去製造驚喜俾個仔~!!
從生活上到道理上,我都為佢準備過好多好多且希望佢有得著~!!
而我為佢所付出o既一切,最重要都係希望見到佢開心~!!
至於個仔今晚講左一句說話令我最感動:『我會珍惜你俾我o既野』唷~!!