每年到左呢個時間，大家都會有一種去舊迎新o既希望．．．
告別２００９年，換來o既就係２０１０年呢個新開始喇～！！

至於今晚，就係本年最後一個活動喇．．．
一如以往o既幾年，我地都會有約埋一齊出外倒數慶祝迎新年～！！
唔經唔覺．．．呢個活動都已經搞左有五年時間嫁喇～！！

另一方面，今日同時係Ｒａｙｍｏｎｄ生日啦．．．
所以我地o係去倒數前，就先同佢一齊圍埋食飯作慶祝啦～！！
我地今晚揀左去左旺角打邊爐，之後先落去佐敦玩倒數嚕～！！

今次之行除左主角，我同阿大之外．．．
另有妖人，大妹，Ａｎｇｅｌａ，Ｔｒａｃｙ同埋阿Ｋｅｎ啦～！！
一行八人食左差唔多１０ｐｍ呀，之後Ａｎｇｅｌａ就先行離開喇～！！

期後．．．我地就一行七人搭車落去佐敦準備迎新年喇～！！
至於o係搭６８Ｘ期間，我地都不忘繼續傾下計同講下大家o既近況啦～！！
距離阿大離開我o既日子又近左一大步喇，我個心真係好忐忑呀～！！

面對呢種連我自己都唔識形容o既感覺，我只有無盡o既無奈～！！
至於大家都盡力提點佢同祝福佢，希望佢可能堅強面對呢個改變嚕～！！
其實．．．我都好清楚個仔都好無奈，而且仲有好多o既擔憂嚕～！！

落車之後，我地就一齊步行過去海傍啦．．．
不過由於當時已經人數眾多，所以我地就揀左個有利位置就算喇～！！
至於o係未夠鐘倒數之前，大家都繼續傾計同談及下新年願望啦～？！

新o既一年即將開始，大家o既願望都係以健康同開心為主．．．
至於另一重點願望就係快ｄ搵到另一半，而呢個亦係阿大對我o既期望～？！
佢地咁多位都希望我快ｄ有拖拍，同時阿大又話希望盡早有個阿媽～！！

對於明年，我主力都希望自己o既工作同生活壓力唔好咁大啦．．．
而家族上各掛牌未有另一半o既，就盡快自己心儀o既對象去拍拖啦～！！

我都明白．．．點解阿大今年會有呢個願望o既．．．
事關佢都好關心我，好希望佢走左之後可以有個人陪到同幫到我～！！
不過感情呢ｄ野，我地咁多位都清楚知道係冇得勉強嫁嚕～！！

到左倒數最後２０秒時間，我地大家都顯得非常興奮．．．
一齊大叫；一齊倒數去送０９迎新年，同時又向各位祝賀一下啦～！！

而隨住一場燦爛o既煙花匯演落幕之後．．．
就正式為０９年寫上句號，同時亦標誌住０９年活動全部完結喇～！！

至於阿大呢．．．就係呢個時候，許下左一個秘密願望囉～！！
同時回望一下，個仔都已經第五年陪我過呢一個日子喇～！！

完結左活動之後，我地就一齊行返過去搭車返屯門．．．
大約２：３０ａｍ左右返到屯門，我地就正式各有各散去喇～！！

至於o係回程o既６０Ｘ上面，我地首先玩左阿大一場．．．
面對住未知感情同生活，究竟佢會點樣去作出平衡同選擇呢～？！

玩完佢之後，我同阿妹都送左好多祝願俾佢啦．．．
呢個時候o既佢變得好感慨，我知道佢心入面有好多o既唔捨得～！！
而我同佢都係一樣，好多道不完o既心聲終長留o係心入面～！！

送走左舊o既一年，新年就係新開始．．．
至於家族上o既掛牌成員，同時亦於新一年開始有所改變～！！