話咁快又來到年尾，時間的確係過得好快呀．．．
又過一年．．．代表住自己好應該又成長左多一年喇～！！

回望返呢年，所得到o既快樂時間都比往年少．．．
睇返自己個日記，真係發覺一年比一年少野可以記低嚕～！！

好快就會步入２０１０年喇．．．
至於o係０９年尾聲o既活動，就只係得返除夕夜倒數一個～！！
希望到時大家都可以玩得開心，留返一個美麗結局俾自己啦～！！

至於今年內所發生o既事．．．
工作上就越來越忙碌，搞到自己身體都出現左好多問題～！！
幸好．．．自己身邊仲有一班支持自己o既家族成員～！！

而掛牌成員方面，今年大家都真係各有各忙喇．．．
正正因為呢個問題，所以今年所搞o既家族活動都比往年為少～！！

年初時間，阿二因為一個問題而引起一場風波～！！
而呢場風波除左被視為鬧劇之外，同時佢六年o既掛牌生活就此完結～！！
到左呢個時候，所留低o既同期掛牌就只係得返阿大一個嚕～！！

而為左呢件事，之後都有好多o既餘波要處理．．．
親眼目睹自己身邊幾個細佬先後離場，阿大的確別有一番感受～！！
因為呢次問題，日後每次出席活動都係得返佢自己一個～！！

期後．．．阿大又要開始佢o既考試生涯喇～！！
忙左半年o既時間，到我生日o既時候先正式回歸返出席家族活動～！！

今年o既生日，的確唔係好特別o既一年．．．
但係經過左咁多o既考驗之後，我同阿大o既感情同共識就更上一層樓～！！
同時．．．呢年o既生日，亦係阿大於出國前陪我過o既最後一次～！！

頭半年o既時間就咁過左，至於阿大o既表現就顯得更成熟～！！
但係一封〝校長推薦信〞o既問題上，就俾我見到一個我從未見過o既佢～？！
縱使平日遇到任何困難都好理性o既佢，呢次竟然令佢情緒完全失控～！！

經過左阿二o既離場同埋推薦信事件之後．．．
好快就到左個仔要面對另一難關o既時間，中七放榜令佢陷入挫敗～！！
未能如願以償咁升上大學o既佢，另一個問題就於此洐生出來嚕～！！

因為佢未能於香港入讀大學，所以佢就要出國繼續學業．．．
而我同家族上多位成員，都為左呢個問題而傾左好多細節囉～！！

唔經唔覺．．．阿大都已經出道有五年多時間～！！
一直表現同評價都極佳o既佢．．．當然大家都會好唔捨得啦～！！
至於我．．．除左唔捨得之外，當然仲有一份擔心同埋唔習慣o既感覺啦～！！

落實離開日子之前，我答應過佢會盡量完成佢所有心願～！！
好快之後就到左佢生日，所以我特意為佢準備左一個驚喜囉～！！

呢個第一次．．．我地都覺得好難忘，而且仲成為本年第一件開心事～！！
佢o既生日的確比往年都過得特別，當然好多心意野同時出現於當日啦～！！

一個又一個o既難關，一次又一次o既難忘回憶．．．
彼此之間對o個份感情同關係o既肯定，比一切都來得重要嚕～！！

另一方面．．．阿大於考車牌同英文試方面都相繼通過左～！！
我終於見返一個好似平時咁有自信o既佢，不過佢的確係付出左好大努力～！！

至於好耐冇o係家族活動上出現o既四妹，於年尾時間終於有機會見面喇～！！
而呢次同佢o既見面，真係俾我認識到更多面且成熟左唔少o既四妹嚕～！！

家族上好多o既成員，今年都開始左大家忙碌o既工作生涯．．．
而『聚少離多』呢句話，忽然令我有一種黯然o既感覺嚕～！！
而我亦o係今年下半年時間，盡量約下大家傾下計同食下飯囉～！！

透過種種o既對話，真係可以令到彼此間更加了解對方o既想法～！！
先後都同家族唔少成員有過會談，而我就從佢地身上學到更多o既野～！！
除左學識從唔同角度睇野之外，同時更令我明白男女間想法o既分別囉～！！

睇過演唱會o既人，都會覺得佢有其吸引人之處．．．
現場o既氣氛真係令人回味，所以咁樣就造就左我同阿大o既第二次喇～！！
睇左一個我地都好喜歡o既音樂會，呢個亦係下半年一個好o既回憶～！！

至於工作上問題，令我精神壓力增加左唔少．．．
呢個問題上就更令我知道，人長大之後o既責任同壓力係會有增無減～！！
好多問題都要自己學識面對同處理，但係再冷靜都有捱唔過o既時間嚕～！！

自阿二都甩牌之後，阿大就成為我最大o既支持同動力．．．
所以我就更覺得自己要珍惜佢，同時佢亦係時候改變一下自己喇～！！

經過左今年咁多次見面中o既會談，先後都俾左好多提示佢．．．
同時又臨近聖誕節，所以我都係時候送份『聖誕禮物』俾佢喇～！！

我地好難得先會放盡自己去玩，所以呢次行街都係第一次呀～！！
佢等到我放工之後一齊出左去港島行街食飯，同時亦為佢生活加點色彩～！！

每一次見面，我都會盡力製造新意或驚喜俾佢．．．
至於佢o既形象經過改造之後，的確係俾人一種煥然一新o既感覺呀～！！
個仔俾我幫佢打扮完一次之後，佢終於知道自己係要改變～！！

除左人生道理之外，今年另一重點就係介紹吃喝玩樂俾佢．．．
同佢除左會講下玩樂o既好去處之外，同時我亦會親自同佢去一轉呀～！！

平安夜好快就咁就過左，雖然佢有事在身未能出席當晚活動．．．
但係佢都好有我心咁到場見左我一陣，同時又俾我留低一個好o既回憶～！！

至於今年o既聖誕日，的確係咁多年之中最開心o既一個．．．
因為我身邊有阿大同阿姨陪我一齊過，而我地就此搞左一次香港自助遊～！！
全新形象o既阿大再配上我地呢個全新o既組合，真係我地o既第一次嚕～！！

過埋除夕夜之後，就會係大家新o既一年喇．．．
可以搞o既活動已經唔多，我只希望o係阿大走之前盡量留低更多開心o既事～！！

２００９年十大熱播歌曲

01  容祖兒－搜神記(206)
02  楊千嬅－原來過得很快樂(198)
03  陳奕迅－沙龍(185)
04  鍾嘉欣－日夜想你(169)
05  謝安琪－年度之歌(144)
06  洪卓立－很想和你在一起(121)
07  鍾舒漫－親手擁抱(107)
08  陳柏宇－無可厚非(92)
09  古巨基－地球很危險(87)
10  張敬軒－無名指的光環(76)