到左月尾時間，我同阿大先可以正式見到面．．．
今個月o既我地，的確係各自各過住ｄ忙碌o既生活呀～！！

我除左工作上o既野之外，另外多數就係返左大陸啦．．．
而佢就忙於考車同考英文，面對o既壓力問題都唔細唷～！！

好難得約埋今晚食飯，兼趁呢ｄ機會呻下兼爆下料啦～！！
而我亦於日前換左手機，而部份費用就係由個仔贊助我嫁～！！

至於今晚，我地都係去左市中心行街兼食飯．．．
行街o既時間簡直就係冇，而我地今晚就選擇左去食日本野啦～！！

另一方面．．．
由於個仔o既唔知醒，同埋我o既遲收工就令到我地好有緣喇～！！
換左個新電話後仲未識用，所以都係變得反應遲鈍啦～！！
雖然我聽唔到阿大打過來咋喎，但係我地竟然撞正同一班車喎～？！

車程間，我地就先講下ｄ無無聊聊o既笑料先啦．．．
期後到左飯局及打後o既時間，就講左好多各種唔同o既話題啦～！！
當中包括有認真、唔認真同埋堆好私人o既事情啦～！！

食完飯之後，我地又去買左隻ＶＣＤ打算之後一齊睇．．．
期後就行返屋企兼繼續吹水，以及講埋下個月活動事宜o既安排就散嚕～！！

另一方面，我地都發覺我地每次見面都總會有一個主題要講下～！！
因為我見佢o既每一次，都仲會帶ｄ唔同o既元素俾佢去汲收～！！

由人生哲理到吃喝玩樂，我都會帶俾佢一ｄ新元素．．．
同時，佢亦覺得我講得佢聽o既野係一定對佢有意義及幫助嚕～！！

或者因為咁．．．我身邊o既人就越來越覺得我o既生活多姿多采～？！
因為o係多項o既範疇上面，佢地都好欣賞我有咁o既能力同觸覺嚕～！！