離離合合．．．本應就係人生經常遇到o既事～！！
至於我身邊有兩位重要人物，都已經有佢地o既路要去行～！！

原本已決定要離開o既大哥，佢最終都因某ｄ因素而留低返～！！
呢個消息都係佢日前正式通知我，而我得知後都的確覺得幾開心嫁～！！

至於公司方面o既問題，最令我煩惱o既始終都係人事問題囉～！！
而呢兩個星期o既痛苦替假同加班，終於都可以暫告一段落喇～？！＞＜”

唔開心o既事，真係唔多想再去提同埋記住喇．．．
至於大哥得知某同事同我發生問題後，佢都好緊張同關心我嚕～？！
當然．．．佢同我之間o既感情及關係就惹人非議嚕～！！

至於阿大方面．．．佢將於下年二月正式離開去外國喇～！！
我知道『天下無不散之筵席』呢個道理，不過我始終唔多想係咁嚕～！！

經過左咁多年時間，家族上o既掛牌成員都換左唔少人喇～！！
舊人去而新人來，今日o既呢班掛牌成員究竟有幾多可以真正長久呢～？！

另一方面．．．
原定同阿大進行o既計劃，都因為佢時間上問題而需作修改或取消～！！
佢將於下年正式離開，換言之今年o既除夕將會係最後一次一齊過嚕～！！

時間同埋環境o既改變．．．我地o既將來將會係一個未知o既變數～！！
所以趁住佢仲o係到o既時間，我地都盡量把握時間同機會見下面喇～！！

至於今個月，我地終於都約到時間o係今晚食飯喇～！！
大約８ｐｍ左右，我地就先去到市中心等埋再過去食飯嚕～！！

不過o係食飯之前，我地先去睇左一陣衫啦．．．
由於下星期o既活動係搞主題活動，所以我地都盡下人士去搵下啦～！！

最終，我地兩個都係乜都揀唔到而轉戰去食飯啦．．．
阿大話想轉下試新野，所以我地今次就去左食大排檔喇～！！

至於o係食飯同行街時間，我地當然都會講下近況啦．．．
同時，我地亦傾到包括愛情；親情；友情；事業及前途等問題～！！
而我地當中傾到o既所有話題，個中都有唔少道理可以俾我地思考下～！！

今晚o既話題令我地回憶返唔少野，當中o既喜與悲都令我地感到難忘～！！
過往o既點滴都係我地人生一部份，不論好壞我地都要學識接受嚕～！！

憶起返從前一堆又一堆o既片段．．．
無疑都令到我地好慨嘆，點解今日o既局面最終會係咁樣嚕～？！
不過，做人做事都好．．．最重要係對得住人同自己囉～！！