收到消息．．．指我地部門將會地震～！！
雖然唔好o既人會離開，但係今次o既調動都真係幾煩囉～！！

呢排同大哥繼續有講有笑，所以都收到唔少料．．．
為左呢次地震o既問題，睇怕佢都有排煩惱同埋諗計點樣做調動～！！

唉唉～不過話說回頭，我都唔知自己仲可以有幾耐命呀～？！
我知道阿哥好著緊我前景，但係我都唔知點做先係最佳解決方法～！？

阿哥好想我搞掂個英文，不過我始終好怕會失敗呀．．．
就算當係為左佢而去讀都好，我都打算之後會陸續讀返書嫁喇～！！

特別係近呢排，我地兩兄弟真係傾左好多野．．．
佢同埋Ｃａｎｄｙ對我o既影響，的的確確係好深遠同正面o既～！！

從佢地兩個身上真係可以學到好多野．．．
做人應該係活到老；學到老，而佢地真係令我睇通左好多野～！！

奈何自己o既經歷同能力都唔及佢地．．．
至於尋晚時間，我就同阿姨及Ｔｒａｃｙ出左去市中心食飯～！！

原本我地打算成班老友齊齊約埋去旅行嫁．．．
因為４月係阿姨生日，但無奈好多人都各有所因而留下遺憾～！！

最後，就只係得返阿姨同Ｔｒａｃｙ兩對人報左名．．．
至於我地各位就計劃於稍後時間，再約阿姨圍埋齊齊食返餐飯慶祝～！！

另一方面．．．
今年係家族成立十周年，而我地暫定年底會搞一ｄ活動慶祝～！！
一個小小家族能夠維繫到十年，相信都唔係一件容易o既事囉～！！

不過宜家大家都已經有工作，要就到時間都有一定困難．．．
所以我地希望俾多ｄ時間大家做計劃，並可於第三季之前正式落實～！！

由冇到有，好多野都已經變成左習慣．．．
宜家o既我已經習慣左阿哥o既存在，同時亦嚮往佢同我玩o既感覺～！！