放完新年假之後，返工o岩o岩夠一星期時間．．．
呢個星期真係好充實，因為咁多日都係好忙碌咁度過丫嘛～！！

返左咁多日就忙足咁多日，日日都做到冇停手喎．．．
每日唔係同老細傾野或開會，就係忙於幫老細做東做西啦～！！
而最重要o既問題，就係我仲要做替假兼要繼續完埋自己手上o既野唷～！！

或者忙都有忙o既好，起碼工作時間感覺上會過得快ｄ丫嘛～！！
至於老細同時都係放完假返來，所以我地都有大把野要傾囉～！？

另一方面．．．
新年都未正式完晒，身邊就陸續有人相繼病倒嚕～！！
阿立就因為疲勞過度而搞到肺積水復發入院，而老細亦都不幸病左～！！
而且我老細亦於返工後唔夠兩日，就搞到要請病假添呀～！！＞＜”

突然覺得．．．健康原來真係好重要囉～！！
忽然間o既我，真係覺得我地需要反思一下自己現時o既人生嚕～？！
究竟自己想要追求；想要得到o既．．．係咪真係咁必要呢～？！

過得簡單同知足一點；唔好對物質存有太多o既奢求．．．
只求做好自己本份，或者咁樣o既人生先至會真正o既過得快樂～！！

無奈．．．我地生活緊o既呢個社會，正正就係一個花花世界～？！
呢段短短時間裡面經歷左o既野，真係令我有好深o既感受同體會嚕～！！

人生在世．．．應該好好珍惜生命同自己．．．
接住來o既時間，我已經開始左約班朋友食飯o既計劃喇～！！

另一方面．．．上水廠將於下月正式分拆喇．．．
一個新時代又快將開始，睇來我都應該盡早落決定嚕～！！