又過一年，人亦長大左一年．．．
今年對我來講，的係唔係一年過得開心同順意o既一年嚕～！！

阿二於年頭一單o既意外，已經搞到滿城風雨啦．．．
經過一段長時間o既冷戰，先可以叫做令佢稍為有改善～！！
可惜．．．到左下半年時間，佢又整多單野出來搞到我好不滿嚕～！！

問題總係接踵而來．．．
家族經過一連串改革之後，表面上都可以叫做有改善啦～！！
不過好多人始終都係欠缺主動性同溝通，從而引起其他問題嚕～！！

至於工作方面，今年都算係辛苦o既一年．．．
由於同老細關係變好，所以自己都接到好多重頭工作o係手～！！
不過亦都因為呢個問題，而令到我o係各方面都多左唔少壓力呀～！！

我都知道．．．事業上要得到成功就一定會好辛苦～！！
不過無論點都好，我都好多謝老細俾咁多機會自己去發揮同嘗試～！！

至於呢年，主要都係忙於工作上o既野．．．
因為自己要顧o既範疇實在太多，所以好多事情都難以擺太多時間處理～！！
就連家族上；甚至阿二o既問題，我都唔夠時間去跟進囉～！！

２００８年，阿姨推出左數項政策．．．
而呢堆野o既推行亦都算係理想，所以叫做減輕左我部份工作量啦～！！

另一方面．．．阿大好快就要考Ａ－ｌｅｖｅｌ喇～！！
所以佢今年都只係賣力咁讀書，至於我地相處o既時間亦因此而減少～！！

而阿二於年中時間，亦再一次會考放榜．．．
佢雖然未能成功升讀中六，但對比上年始終叫做有進步過囉～！！

難得o既一班好朋友，的確係需要珍惜．．．
我身邊能夠有一班支持同幫到自己o既朋友，的確係好難得嫁喇～！！

回望一下．．．我地呢班掛牌人都已經識左超過五年唷～！！
所以我地今年一趁有時間，都會盡量約埋俾大家見下面囉～！！
而今年可以搞到o既生日活動，就真係好少成功到唷～！！

講開生日活動，今年亦係首年取消晒兩個仔o既慶生活動～！！
搞活動除左要就到時間之外，另一方面都要睇大家有冇心想去做～！！
阿大就係因為個期度唔掂；至於阿二就係因為同大家關係變差而致嚕～！！

至於ｍｅｅｔｉｎｇ方面，唔覺唔覺就已經行左大半年．．．
不過佢地兩兄弟o既表現，就的確係有好多o既差別喇～！！
呢段時間內．．．阿大就接近齊數；而阿二就接近係零嚕～！！

２００８年整體而言，的確係過得麻麻啦．．．
希望來年時間，大家每日都可以過得開心同充實啦～！！

２００８年度十大熱播歌曲

０１）謝安琪－囍帖街
０２）陳奕迅－路...一直都在
０３）楊千嬅－撈月亮的人
０４）洪卓立－憑甚麼愛你
０５）洪卓立－彌敦道
０６）林峰－明天以後
０７）容祖兒－陪我長大
０８）張敬軒－櫻花樹下
０９）謝安琪－十字架
１０）林峰－愛不疚