臨近年尾時間，好多事情o係呢個時間先來發生．．．
公司有一系列o既野需要忙，同時家族上亦有唔少野要搞～！！

另外，呢個時間好多人傳出分手同開始拍拖o既消息～！！
而我．．．始終覺得先專注o係事業，之後先諗感情o既事囉～！！

呢一年，我o係事業上的確有唔少o既新發展．．．
特別係近呢幾個月時間，我同老細o既關係火速咁躍進嚕～！！
身邊除左有一班好同事之外，宜家仲做埋老細身邊o既紅人添唷～！！

近排o既忙碌，忽然令我諗起『簡單就是幸福』呢句話～！！
宜家o既我只知道，做老細身邊o既愛將係一件唔容易o既事呀～！！

事業上o既發展，突然令我諗起阿大o既身份．．．
宜家o既處境令我知道，一個人追求成功同得到上司認同o既感受～！！
同時o係另一方面，又會有一種好大o既壓力令自己好似透唔過氣咁～？！

下個月就係聖誕節啦．．．
不過早前幾個月計劃左o既活動，我地都暫定晒於１２月舉行～！！
當然．．．我最在意o既日子，就梗係大除夕夜啦～！！

至於今個月係阿二o既生日，但因早前發生左太多問題關係．．．
所以每年原定都會幫佢搞o既生日，今年就應該會取消嫁喇～！！

另一方面．．．
事隔兩星期冇搞o既ｍｅｅｔｉｎｇ呢，今晚又再有一次啦～！！
不過今次仍然係得我同阿大兩個，而阿二就繼續冇作任何聯絡嚕～？！

我地今晚先後傾左三個範疇o既問題．．．
第一就係家族成員近日o既野，以及下月各活動o既安排事宜啦～！！
另外一個話題，就係傾到我事業上o既煩惱同心態上o既分析～！！

我自己一向都喜歡過平穩o既生活，而個仔就恰好相反～！！
佢聽到我所講o既野，正正就係佢一直所想追求得到o既野唷～！！

得到眾人o既認同，以及位高權重o既勝利感覺．．．
我知道個仔一直都好想得到，不過我就因為咁而覺得煩嚕～！？

宜家o既我．．．不論o係公司同家族上都算係成功～！！
但正正因為咁，同時更令我明白做紅人同做培訓新人o既身份差別～！！
兩個身份我都已經經歷過，所以我諗我更加明白個仔唷～！！

講返今晚啦．．．我原本諗住就個仔補習關係而計劃出荃灣食飯嫁．．．
但後來因為我想食壽司o既關係，所以就改返o係屯門食就算～！！
不過好衰唔衰．．．今晚四圍都咁多人，所以最終都未能成事～！！

至於我地今晚最後講到o既問題，就係關於阿二o既野喇～！！
阿二早前已經叫做搵過我；另一方面阿大同時亦於日前搵過佢啦～？！
我諗．．．佢地兩兄弟都好清楚現時個局勢係點啦～！？

我地大家都講左應講o既野；做左ｄ應做o既事喇．．．
至於點樣可以令宜家o既關係改變，相信都仲需要一段長時間嚕～！！

接近年尾，各方面都要開始做下年度o既計劃．．．
有時候我都會覺得，與其宜家覺得開心，不如就繼續開心～！！
因為冇人會預計得到，下一個大問題會o係幾時發生嚕～？！