尋晚同左一大班同事，上左深圳食晚飯．．．
而近日o係屋企、公司同家族各方面，都出現左唔少問題～！！

單係公司方面o既野，我都已經覺得夠煩．．．
因為人與人之間o既相處，分分鐘會令彼此間o既合作出問題～！！

至於家族方面，妖人已經打左電話俾佢地兩兄弟．．．
而今早時間，我就收到阿大o既留言問左我一大堆問題啦～？！

我同妖人都覺得，佢有呢個反應係正常．．．
而阿大同阿二各自o既反應，亦係我地o既預計之內囉～！！＝．＝”

阿大o既留言，我聽左之後明顯感覺到佢已經知道左野～！！
自上次鬧完佢地兩兄弟之後，我地都有兩星期冇講過任何野喇～？！

當然．．．
我除左係冇野想講之外，另外係因為我太多野要理喇～！！
而且早段時間又經常唔舒服同病左，所以都唔夠時間去做ｄ咩啦～？！

透過同阿大o既對話，我都希望佢明白我o既用意啦．．．
我可以理解佢o既立場同心態，所以我先唯有出此下策去應對～！！
有時候處於某ｄ位置，最好o既解決方法就係學習抽身嚕～！！＞＜”

至於ｍｅｅｔｉｎｇ方面，又係出現同一個老問題．．．
既然佢地都唔主動去問，咁我就將個期推遲至下星期再安排啦～！！

反正下星期立立都出碟，而且我又應該有野要買喇．．．
到時先再打算，總好過宜家咁o既氣氛同心情下去見佢地啦～！！＞＜”
至於係咪再會有進一步調動，似乎都係時候計劃下喇～？！