呢期好忙，不過遲下肯定仲會更忙．．．
因為公司方面有好多全新調動，而且又出左好多是非唷～！！

另外，今晚同左兩個仔出去市中心食飯．．．
雖然約左６：３０ｐｍ齊人，不過最終６：５５ｐｍ先齊晒～？！
主因係因為阿二訓左覺，唔知醒起身以致佢遲左來囉～！！＝．＝”

由於見時間尚早，而且阿大又要幫屋企人搵位食飯．．．
所以我地就閃左去酒樓拎位，而o係期間就俾阿大呻下佢ｄ苦事～！！

阿二日前出左問題，搞到佢幾乎冇晒身邊班朋友．．．
呢個問題我同阿大已經傾左，不過要解決始終要靠阿二自己～？！

另一方面．．．
日前我同阿二傾電話o個陣，佢都因為對答表現而俾我詐型～？！
而最頂癮o既係，佢近日亦都因為對答問題而經常俾人投訴嚕～！！＝．＝”

宜家好多時．．．
對於呢ｄ唔係太嚴重o既問題，我都隻眼開隻眼閉嫁喇～！！
有時候學識放輕鬆ｄ對住佢，自己都會過得開心ｄ呀～！！＝．＝”

至於關於阿二得失左班朋友問題方面．．．
阿大都話除左我ｄ期之外，佢基本上都唔會見人咁制～！？
說話雖然係咁講，但我自己亦心知好多野但又唔可以講嚕～？！

人始終要經一事；長一智嫁嘛．．．
細仔固然係多問題發生，不過今晚阿大都有好多怨氣喎～！！

事關又係佢身邊ｄ朋友，令佢感到無奈同失望囉．．．
而我同阿二亦就事件俾左意見同分析佢，希望佢可以睇開ｄ嚕～！！

身邊o既朋友始終有好多種，同時唔係種種都要咁上心囉～？！
再者．．．人o係唔同時期及環境之下，始終都會變嚕～！！＞＜”

我宜家比以前叫做睇開左．．．
或者係因為我出來社會做左幾年野，經歷左唔少野所致啦～？！
畢竟社會上乜人都有，無論心態同思想都比做學生更甚複雜～！！

我教左個仔幾種方法去面對，而個仔都肯接受．．．
話晒我成日都要面對林林總總咁多問題，經驗始終比佢豐富～！！

人生就係有好多問題要去面對．．．
但可以肯定o既係，讀書時代o既煩始終不及工作時代o既煩～！！