好快就踏入左四月，今日係新制開始後第一次飯局～！！
由於佢地兩兄弟表現未如理想，所以新制會試行三個月啦～？！

由四月至六月呢段時間，佢地要面對眾多問題．．．
當然．．．如果到時效果係轉為理想，我自然會放寬返啦～？！

至於由今日開始，我將會連放幾日假．．．
不過o係返大陸之前，我就先要搞掂多項事宜先走囉～！！

阿姨月尾o既生日活動，部份問題我已轉交阿大跟進啦．．．
而新o既人事及行政問題調動，我又已經同佢地講晒喎～！！

今日收工前，我先班同事一齊食晏開會啦．．．
隨後就會合阿大落元朗，搞一大輪野先正式折返屯門囉～！！

由於我早前申請左護照，所以個仔就要陪我去拎啦．．．
期後，我地又要交電話費同埋做埋其他瑣碎事宜就閃喇～！！

分別o係屯門同元朗都行左一排，但就未有斬獲．．．
不過我同個仔都睇o岩左唔少野，只不過係冇意欲去買嚕～？！＞＜”

另一方面．．．我今日同兩個仔都傾左好多話題～！！
其中包括一ｄ生活事宜，以及阿大想參加歌唱比賽o既事宜等～！！

講到部份話題時，佢地就必然會有壓力．．．
不過人長大左之後，就必然係要面對呢堆問題嫁嘛～！！＝．＝”
可能係因為問題涉及人事變陣關係，所以佢地都顯得好小心～！！

不過我始終要佢地知道，面對係先解決問題o既最好辦法～！！
所以我就俾多三個月時間佢地，六月就會有一個正式總結～！！