經過左一段長時間o既工作，終於有得抖下．．．
不過呢排我同阿大都非常忙，所以連對話o既時間都冇呀～！！

另外，今日係世俊生日啦．．．
佢今年就唔會大搞生日，所以我只係同佢講左聲生日快樂唷～！！

至於我同阿大o既迪士尼計劃，將於下星期五正式實行～！！^.^
哈哈哈～我地兩仔爺開始進行有關商討，真係講起都覺得開心唷～！！

另一方面．．．
個仔日前就覺得有ｄ牙痛，但到左尋日就話已經唔再痛喇～？！
不過就有另一個不幸消息傳到，就係話佢病左囉～！！＝．＝”

唉唉～唔病就假啦．．．
佢已經有好多職責o係身，再加埋佢近日又有眾多活動呢～！！
之後落來佢又仲有好多測考同考驗添，我真係驚佢唔夠時間抖嚕～？！

呢ｄ時候，我做老豆o既都唔知仲可以講ｄ乜呀．．．
總之．．．我只係希望個仔可以好好抖下，養返好身體先再算囉～！！

人生覺得開心固然係好，不過唔開心一樣要面對．．．
至於一ｄ令大家都覺得係困擾o既野，就始終都要作個解決～！！！