今日係年三十晚．．．
所以中午時間就o係公司同班同事一齊食晏，當係做團年唷～！！

另外．．．
今日早上時間，意外地收到阿二刻意o既來電向我道賀囉～！！
以往年年呢ｄ時間佢都唔會咁做，而今年出事後就改變其作風～？！

由於當時我要開工做野，所以都只係閒談左一陣咋～！！
佢話今年唔需要返大陸過年，而且仲打算約我同阿大去行花市嚕～？！
不過．．．佢連花市開到幾時都未知，就打算有此計劃～？！＞＜”

至於收左工之後，我就返家食左團年飯先出街唷～！！
因為我同阿大早已約定今晚去行我地第一次一齊行o既花市唷～！！

我地兩仔爺約好左去龍門居等後，就搭車出左銅鑼灣行花市．．．
呢到氣氛非常熱鬧兼又人頭湧湧，所以種感覺都幾好～！！

我地行左成晚之後，最終都係冇任何收穫囉～！！
主因係因為冇乜野吸引到我地想買，而且價錢又唔係特別平～？！

另外．．．
雖然今晚個情況都係好難忘，不過阿大就不幸病左唷～！！＞＜”
希望個仔可以快ｄ好返，隨後可以開心咁參與各項活動啦～！！

另一方面．．．
今晚出到銅鑼灣o既時候，我又再次收到阿二來電喎～！？＝．＝”
原因呢個時間佢剛好食完飯返家，但佢又想搵我陪佢行花市嚕～？！

可惜o既係．．．
我同阿大已經出到去目的地，而且亦冇將此事話佢知～？！
期後我地又傾左一陣計，兼且又講到細佬彬o既近況及問題等～！！

人始終會變．．．
當我地長大後，原本o既生活模式同習慣等都會改變囉～！！
再者．．．唔同人於唔同環境o既影響下，亦會有唔同o既改變～？！

人就係咁奇怪．．．
當一ｄ你認為必然o既野出現改變o個陣，你就會想去挽留～！？
從今日前後兩次o既對話，我都睇得出阿二o既心態嚕～！！

同時，我今晚亦就住多個話題同阿大有過研討啦～？！
至於我由聽日起開始離港o既特別安排，我亦已經同阿大交代晒～！！