今晚係我人生中，第三次去睇演唱會呀．．．
於上年度已經睇左兩個，今次終於睇埋我一直都想睇o既～！！

上次就因為買飛買遲左，所以要坐得較後啦．．．
不過今次個位置就正得多喇，因為我可以坐到好前唷～！！

我自己最鍾意o既男歌手就已經睇左啦．．．
今次就輪到我最鍾意o既女歌手呢，所以我都要支持一下～！！

今晚個ｓｈｏｗ真係好正，好多歌都好好聽．．．
當然ｄ歌對我來講都係耳熟能詳，而且某ｄ仲別有一番回憶添～！！

唔知點解．．．
自從睇左幾次演唱會之後，自己就開始有ｄ上癮o既感覺嚕～？！
不過我諗最主要o既原因，應該就係現場o個種好熱烈o既氣氛啦～！！

另一方面．．．
每次睇ｓｈｏｗ除左聽歌之外，我都會諗到佢地背後o既辛酸～！！
因為佢地可以企o係台上而且得到眾人認同，的確係件唔易o既事～！！

做每件事想要成功，的確係需要付出唔少努力．．．
至於一個歌手可以得到大眾們o既認同，就係佢地努力o既結果嚕～！！

而我地唔應該只係識羨慕別人o既『得』囉．．．
如果想自己將來都可以成功，就應該係學習他人積極努力o既態度～！！