今早返工，心情的確麻麻喇．．．
到左今日終於都要出事，不過上司同我Ｄ同事都好關心我～！！

全因為某兩位同事生事，所以我就搞到唔開心啦．．．
不過事後我Ｄ好同事就開解我，兼收工後一齊去左食晏囉～！！

食完野之後，就先後收到兩個仔來電喇．．．
於是我就開始行去搭車，當然我地係各自出去旺角啦～！！

由於二少於市中心補完習；而大少就於元朗補完習．．．
故此佢地就分別搭６０Ｘ同６８Ｘ出去；而我就搭５８Ｘ嚕～！！

出到去之後，我地就四同圍行街同睇野．．．
因為我地都有好多野想買，特別係我同二少早就計劃左買衫啦～？！

成程我地睇左好多唔同o既野．．．當中有衫褲同精品等～！！
其後行行下，我地仲走去夾左一大包糖食添～！！＝．＝”

當然今日全程都好開心，有講有笑啦．．．
而且我地睇野o既心仲好一致，見到乜都可以講同睇一餐～！！^.^

行左勁耐之後，我地三個終於都有收鑊喇．．．
我地最終每人都揀到一件衫，因為二少話唔甘心要空手而回喎～！！

買完晒野之後，我地終於都肯去食晚飯喇．．．
經過左一輪商討之後，我地最終都揀左去『意粉屋』食囉～！！

而食飯時間當然不忘吹下水，講下身邊人o既近況啦．．．
與此同時．．．我亦都對佢地o既各項表現有讚有彈啦～！！^.^”
不過總括而言呢，就所有野o既內容都係好正面o既～！！

回程時間，我地齊齊上去旺角火車站搭車．．．
而呢程車我地亦係各自搭５８Ｘ，５９Ｘ及６７Ｘ返家嚕～！！

好多野仲未買到；好多活動亦未正式實行過～！？＞＜
不過目前我地要搞o既係，本月尾o既聖誕及除夕夜活動喇～！！

今日發生o既所有野，忽然令我覺得身邊有好多錫我o既人．．．
除左我一班家族成員之外，當然仲包括我其他朋友及新舊同事們啦～！！

另一方面．．．
今日我地原本都有傾到海洋公園或迪士尼活動問題嫁～！！

因為呢期就近聖誕啦，所以兩個地方都推出左相關活動～！？
而我最初都諗住傾下可唔可以趁今年，去玩一次啦～！！＞＜”

點知兩個衰仔就諸多藉口．．．
所以我就下令禁晒佢地出年可以去呢兩處玩o既活動囉～！！

不過話說回頭啦．．．
我始終都希望，我地三個最快可於明年去得成一次唷～！！
畢竟陪o係自己身邊o既人唔同，玩o既心情都自然會唔同嘛～！！

而o係食飯時間，我地除左講到其他人之外．．．
我地仲有講到過去o既一ｄ趣事，兼且傾到二少曾經拍拖一事添～？！

當年o既開始．．．
除左係因為個仔好奇之外，就係因為對方主動o既提出囉～！！

而個仔亦都話．．．當年根本就冇諗過任何後果～！！
佢只係知道受當時o既外在因素影響，所以就決定一試嚕～！！＝．＝”
相信有過經驗o既佢，今時今日應該唔會再亂來嚕～！？

探討到有關o既問題，我同大少都變得好奇囉．．．
幾個大男孩咁樣去傾愛情觀，原來亦別有一番感覺喎～！！