今日收工之後，同妖人出左去行街買野．．．
因為今日我要去剪髮、拎車兼問價，佢就買參考書～！！

我地下午約好等埋之後，就先去左剪頭髮．．．
隨後就到妖人要食野，搞掂晒之後先搭車出旺角啦～！！

出開去旺角，所以就諗住約埋阿姨一齊食晚飯啦．．．
等到５：３０ｐｍ左右，阿姨同姨丈搞掂晒ｄ野就會合我地啦～！！
隨後，我地就一齊行街買野兼埋食飯及吹水嚕～！！

另一方面．．．
今日二少打過來搵我，諗住申報想於６／１０有活動啦～！！
不過，最終都好不幸地俾我同大少一致駁回囉～！！

原定中秋節當晚o既活動，因為佢地出左事而改期至呢日．．．
佢竟然夠膽死打來搵我，商討可唔可以再改期而就佢去玩喎～？！＞＜

當時o既我聽完之後，已經即刻向佢問話兼叫佢俾理由我～！！
我叫佢覺得申報o既理由係充分，先至好同我講要改期～？！

雖然佢呢次行為令我嬲嬲地，不過佢都幸好識事先申報～？！
隨後，我就即刻打俾大少同佢商討有關事宜啦～！！＝．＝”

大少立場好清楚，再者佢都表明反對二少今個活動．．．
作為Ｆ５生唔應該有太多活動外，而且我噴完佢地都只有兩日咋～！！

二少第一次對話時並冇作出任何反駁．．．
但其後佢就再度打來俾我，話要同我傾傾上訴喎～！！＝．＝”

而我就立場堅定，並且講左連大少都表示反對啦．．．
隨後，佢就開始轉用『講條件』方式同我試下講價喇～！！

我同佢都各自提出各項議案．．．
不過，二少o既議案始終未能通過我同大少o個關啦～！！
而我同ｄ親戚亦提出多項建議俾佢，叫佢是但揀一條囉～！！

我同大少都估到佢，又想同班ｆｄ一齊去玩〝哈佬喂〞啦～！！
我地都清楚知道佢想點，而且我地再三聲明我地o既角度係點囉～？！

我有幾條路俾佢揀．．．
首先叫佢請晒我地成班人去，佢又已經話左唔肯喇～！！
而佢亦提出如果去左今次，就會以停晒１０月活動作交換啦～？！

其二．．．
佢要我批佢去係可以，但條件係１１月全月佢都要玩爆晒～！！
既然佢咁想玩，我就要佢全月入面o既每一日都玩唔同野兼要爆數～！！

其他建議都仲有好多，不過佢最終選擇放棄上訴．．．
因為佢都好清楚連大少都唔撐佢，而佢去又要面對咁多問題嚕～！！

另外，我仲趁今次聲明晒所有問題嫁喇．．．
包括佢用錢方面、傾手提電話．出街玩及打機等各種問題嚕～！！

我發完脾氣都唔夠三日，就已經想整單新野出來．．．
而且我都真係出到聲問佢，到底係咪當我緊ｄ野係廢話呀～！！＞３＜”
發生呢次問題，大少好明顯識汲取教訓而唔敢亂來啦～！！

唉．．．二少再係咁落去，我同大少都心知情況～！！＞．＜”
佢成日都群埋o個班朋友身邊，遲早又實會吵大鑊嫁咋～！！

開學只係過左一個月，佢個心就已經咁散喇．．．
我同大少都覺得咁樣好唔掂，而且咁係唔可能捱到去會考囉～！！

不過個仔經我大發脾氣之後，都識得要事先申報．．．
但係佢就真係蠢得緊要啦，如果真係醒o既都應該識得收歛啦～！！