長假過去，個仔又要回復正常生活喇．．．
而於假期內我地雖然有過對話，但次數就唔多囉～！！

另外，對話所談及o既野都唔少啦．．．
得到o既答案就唔係多，而過程中o既感覺亦唔算係差～！！

而今日就係假期完畢後，首次週記交收．．．
由於尋日個仔唔舒服關係，故此經商討後就改期今日嚕～！！
不過今日o既交收情況就不太理想，而個仔又再次俾我鬧喇～！？

我今日開完會之後就早左走，所以就即時通知佢啦．．．
但係佢o係收到電話之後o既一個鐘，先過到來搵我囉～！！＞＜

最初，佢話佢只係o係學校都坐緊．．．
但到左叫佢解釋o個陣，佢就話因為去左睇波而遲大到呀～！！
就係因為咁．．．我就噴左佢一鑊金囉～！！＞．＜

而佢就照舊唔出聲，發晒脾氣表示唔喜歡啦．．．
不過佢要我無啦啦等左成粒鐘，唔發火就真係假呀～！！
剷爆佢o既野唔止一樣，不過佢就保持全程唔講野囉～！！？

放學後唔可以私下有活動；明知要交野而遲大到．．．
以上呢兩個原因，都係我今次發火o既主要導火線嚕～！！