原定於年初七o既活動，終於o係今日順利舉行喇～！！
而且，今年亦係我地一家人真正咁一齊過左個新年呀～！！

今日活動都唔少呀，而我今日就完全唔駛用錢呀～！！^O^
因為．．．今日所有ｄ開支全數由我三個仔負責晒囉～！！
接住落來阿三就要陪我去買新波鞋，不過錢又係唔駛我俾～？！

放工之後，首先去左市中心飲左餐茶．．．
隨後我地就送左阿大去補習，而我地就去左碌齡嚕～！！

玩完晒之後．．．
我地就先去買戲飛，隨後就過左Ｍ記食野同傾計啦～！！
期間有少少風波發生，不過幸好俾我制止左嚕～？！＝．＝”

原因係Ｍ記當場，有人故意挑釁阿二同阿三喎．．．
不過我就費事搞到兩個仔出事，所以就勸阻佢地唔好衝動喇～！！
而o係Ｍ記期間，我地就玩左一段時間啤牌囉～！！

另一方面，原來阿大係路痴來嫁～？！＝．＝”
佢由市中心行過新墟Ｍ記，都竟然可以行錯路要搵我去接佢～？

之後．．．
我地又講返添馬艦件事，呢個時候阿二同阿三都感覺尷尬～？！
原因係佢地都因為去左呢到玩而欠申報，最終搞出一連串問題囉～？！

後來，我地去左惠康買左Ｄ野飲後就去入場喇～！！
而今次亦係我地一家四口首次齊人去睇戲呀～！！^.^"

我地今次去左睇『心想事成』啦．．．
雖然套片係有Ｄ爛，不過整體都睇得開心同感到搞笑囉～！！
過後，我地就過返去市中心三樓食晚飯喇～！！

格左一排價之後，我地就坐定定食野同傾計喇～！！
今日全日o既感覺都好開心，而且亦都過左個難忘o既新年活動～！！

其實，我地原定仲打算影貼紙相嫁．．．
不過我地四個都冇人識搞o個Ｄ機o既野，所以就計劃後補囉～？！
之後再行左陣，大家就正式o係杯渡站分開喇～！！

阿二同我就行去５０６方向；阿三就陪阿大等６１４囉～！！
隨後我仲同阿二講左Ｄ會考及未來路向o既事宜，就正式拜拜嚕～！！