仲有大約兩個星期，就到聖誕喇．．．
隨後o既一星期，就到今年除夕添囉～！！

不經不覺，咁又到左年尾喇．．．
諗返起佢地初時出現，關係的確好好呀～！！
不過今年年尾呢個時間，我地就要面對一個重大考驗嚕～？

淨返落來可以再搞活動o既時間，已經所剩無幾喇～？！
過左今次之後，相信都要等到明年會考後先再有～！！
而週記方面，去到明年３月就會隨即完成唷～！！

數下手指，需要輪更o既時間就只得返一轉咋～！！
換言之．．．我只係見多佢地每人一次，週記就正式完結～！！
簡單來講，可以相見o既日子，已經淨返唔係好多囉～！！

聖誕好快就到啦，同時農曆新年亦快將來臨．．．
當呢兩個長假相繼完結之後，佢地五年o既中學生涯亦會劃上句號～！！
隨後就要面對佢地人生中首個難關－中五會考．．．
然而o係會考亦完結後，佢地人生新一頁亦隨即開始囉～！！！

任何關係或感情，都需要時間去相處．．．
從相識、到相處、然而到相知，都需要花唔少心機～！！

過程中，可能會出現重重障礙．．．
當經過晒所有考驗之後，係咪就代表呢段情好穩定呢～？

一段感情如果真正咁經得起風浪，就先會有未來～！！
話雖然係咁講，不過事實又係咪咁呢～？
原來少左時間俾大家溝通，最終都只會倒退囉～！！

兩個人相識初時，關係一定係最好嫁～！！
理論上．．．經過眾多波折後仍能維繫到，就更可貴～！！

無奈．．呢個時間我同阿三出現問題～！！＞＜”
另一方面，我同阿二之間o既感情又停滯不前～！！
再者，阿二同阿三之間存在o既問題，同時亦未能解決嚕～！！

回憶起從前o既往事，其實真係好開心嫁～！！
不過隨住問題出現，但又未能得到解決．．．
大家之間o既感情卻因為咁，而開始出現退步跡象添～！！

或者．．．悲歡離合真係人生必須面對o既事實～！！
而往日所俾過o既承諾，究竟係咪仲可以兌現得到呢～？？

一切都已經成為過去．．．
要確實咁得到返從前o個份快樂，或者只係一個奢望嚕～？！
宜家只好盼望本年度最後一次活動，可以開心咁度過啦～！！！