今日早上時間，出奇地見到四妹．．．
原因係因為佢侄女入左院，而佢又行過見到我～！！
隨後我地就傾左一段時間，講左好多近日發生o既事情囉～！！

到收工之後，我就同阿三出左去喇．．．
佢先陪我去訂車，搵上網資料及交電話費唷～！！
隨後我地就搭６０Ｘ＋１０４落西環睇下個環境嚕～？！
過左陣，我地就搭返９０４落旺角食晚飯唷～！！

食完飯後，我地就搭６０Ｘ返屯門喇．．．
今日行程期間，我先後都收過阿大同阿二o既來電唷～！！
原來今日阿二去左沙田ＩＶＥ參觀，而阿大就繼續忙於補習啦～！！

到左夜晚，同時亦係今日o既重頭戲喇．．．
今晚我地四父子相約於屯門公園去面對應該面對o既事嚕～！！
雖然今晚氣氛唔係太緊張，但大家都比平日認真得多囉～！？

其實今晚會談內容，大家早已心裡有數啦．．．
而且今晚會談期間o既氣氛，真係俾我覺得大家都肯努力囉～？
尤其係佢地三兄弟啦，除左大家都知道問題出o係邊到之外．．．
大家都肯勇於面對，將所有問題拎出來好好咁傾下～？！

另一方面．．．
除左傾問題之外，我亦同佢地講左推行『資源共享』呢樣野～！！
目的其實係想佢地之間o既感情可藉以更進一步囉～！！
能夠做到一家人，好多野都要學識分享及分擔唷～？！

而是次會面，大家都表現得好冷靜同好理性．．．
再者於講到某ｄ話題上，大家都竟然顯得好哀傷；甚至喊左出來～？！
我希望經過今次會面，日後大家會有更進一步o既感情同肯定啦～！！

大部份問題．．．傾就已經傾左喇～！！
下一步要睇o既，就睇下大家究竟有冇真正將問題消化喇～？？

講到今晚o既問題．．．
大家都早已知道問題存在，而問題就係大家都『欠行一步』呀～？！
其實，佢地之間o既感情同關係的確係慢慢咁去進步啦～！！
尤其係半年前傾完後及俊仔甩牌一事，事實就顯得更甚添～！！

而從佢地三個尋晚o既作答方面．．．
都令我覺得佢地好緊張彼此間努力返來o既呢段兄弟情嚕～？！
而且佢地都好清楚大家都已經好投入呢個關係啦～！！

以兄弟相稱左都已經有最少一年啦．．．
佢地的確比任何兄弟都來得好感情，不過只係欠左溝通囉～？
再者，佢地後來亦清楚知道除左冇溝通外．．．
原來欠缺溝通係會帶來其他後遺症，冇溝通可以令彼此唔了解～？

經過左一個又一個o既難關，面對完一次又一次o既考驗．．．
大家之間o既感情同關係先可以得到真真正正o既肯定～！！
呢段得來不易o既家人關係，相信大家都應該好好去珍惜嚕～！！

無論對阿大，對阿二，甚至阿三都好．．．
我地一家四口其實都好想好好咁維繫呢份情至將來啦～？！
同時，我今次亦引用左好多事例俾佢地知道點做～？！

既然後此間都付出左咁多努力，而且亦咁想維繫得好．．．
點解．．．大家唔好好咁將所有問題徹徹底底咁解決呢～？？
我心知佢地都好清楚．．．我好緊張，好維護佢地三兄弟囉～？！

同時，我亦趁今次傾佢地之間o既問題之外．．．
我亦都講左我對佢地o既期望，究竟我希望佢地做ｄ咩囉～？！
而且o係咁多年內．．．我想要o既究竟又係ｄ咩囉～？！！＞．＜

從今晚會面之後，大家都表達左好多意見同感覺～！！
珍惜眼前人，好好把握現有時間去做自己應做o既事．．．．．．
只要大家真正肯行出一步，相信要解決彼此間o既問題係唔難唷～！！