今日放工之後，約左阿大出去市中心．．．
原因咪就係為左阿二同阿三個生日做準備囉～！！

大約５：００ｐｍ左右．．．
阿大已經來到屯醫等我，隨後我地就行過去喇～！！
我地今次約埋係要出去訂蛋糕，準備活動當日之用嚕～！！

嘩嘩～我地兩個真係好俾心機揀嫁．．．
而且我地見到個個蛋糕o既樣貌都非常之靚唷～！！
哈哈哈～忽然間．．．自己都好想生日時有返一個呀～！！

另一方面．．．
為左今次活動，相信阿大o既開支都唔細呀～！！
又要買禮物同蛋糕，又要為活動做準備．．．等～！？

而我今日亦先後同阿姨及家姐有過聯絡．．．
而且，佢地亦都表示會出席當晚之活動囉～！！

而我今日同阿大都傾過好多野啦．．．
當中包括左近日派發o既測驗成績，活動申報等～！？

而阿大就申報，想o係近１２月尾同班同學去ｃａｍｐ喎～？！
而且今次活動亦都有預埋阿二啦，不過我就仲要考慮清楚唷～！！
因為批唔批呢次活動，的確需要考慮好多問題同情況嫁～？！