呢日放假，不過就過得好普通咋．．．
唔知點解．．．身邊ｄ人一係就唔出現，一係就一次過出晒來～？

今日收到好多來電．．．
不過好多都係打來吹下水，或者係問下近況囉～！！

而我今日就自己一個去左行下街．．．
由於下月就係阿二同阿三生日啦，故我打算買ｄ野嚕～！！

其實今個月頭o個陣，我已經買左兩個袋俾阿二喇～！！
而且，佢要換o既野都已經換得七七八八添啦～！！
所以我暫時唔打算再買野俾佢，反而要主攻阿三o個份啦～！！

而我今日就去Ｅ－ＳＰＲＩＴ買左件褸俾個仔唷～！！
哈哈～呢件衫其實真係好襯個仔，而且件衫仲唔平添嫁～？！

今年要送o既禮，大致上已經完成晒喇．．．
接住落就係兩個仔生日o既活動問題及所有安排啦～！！
兩個主角本身就未傾好想點搞，而且又未有任何諗頭唷～？！

而今年佢地o既生日將唔會分開兩次進行．．．
因為我地幾父子已經有晒共識，打算將其活動合併一次過搞晒～！！
換言之．．．佢地今年o既生日活動將唔會擺o係正日舉行囉～！！

另一方面．．．
尋日同阿二通電時，佢又向我訴下苦咁囉～！！＝．＝”
原因係因為佢屋企為左好多野，近呢期成日都嘈交喎～？！
至於我就只可以盡力同佢傾下，教下佢應該點做囉～！！

最後，佢地生日雖然係快將來臨．．．
不過另一方面佢地o既統測亦於３１／１０／０６開始喇～！！
希望佢地三個都可以盡力考好佢，並且可以拎到好成績啦～！！！