呢日雖然好累，但我仍然出左去同家族聚一下～！！
而今晚出現o既人有我，阿姨，大妹同妖人囉～！！

另一方面．．．
尋日阿三無啦啦發燒呀，宜家o係屋企休養緊～！！
希望佢可以早日好返，盡快回復返平日o既生活啦～！！

講返今晚啦．．．
除左妖人之外，我同阿姨，大妹先去ＫＦＣ食野～！！
而且我地仲o係到傾左好多生活、感情同責任等問題呀～！！

講到感情方面．．．
我同阿姨都有同感，原來人面對感情時係可以冇晒理性～？！
而且男仔同女仔所要求o既野，又會係完全唔同嚕～！！

女仔要求o既可能係過程，而男仔就想要未來．．．
就係因為咁，往往就令到雙方出現衝突囉～！？＝．＝”
或者咁講啦，人生活始終係離不開〝錢〞呢樣野囉～？！

講到工作方面．．．
如果雙方所追求o既野，又或者步伐唔一致．．．
呢個同時會成為雙方出現問題o既因素之一囉～！！
現代人為左工作，好多時都冇足夠時間去做自己野嫁～？！

同時往往亦因為工作，好多時都冇時間去陪身邊o既人．．．
至於我同阿姨都覺得做人最緊要就係知足囉～！！
人o既生活平凡，但過得開心同充實o既話就一定會開心囉～！！

至於金錢方面．．．
我地都覺得呢個唔係我地人生最重要o既野囉～！！！
而人真正覺得開心，係因為心中富有呀～！？
因為真正o既感情係唔可以用金錢去衡量及掛勾嚕～？！

如果俾我地揀．．．
我地都寧願要一份真摰o既感情，多過一份所謂o既榮耀囉～？！
始終兩個人可以相處永久，的確最重要係個心呀～？！

我地仲有提及到責任同習慣．．．
人．．．係好應該知道咩係習慣；咩係責任囉～？！
面對一段感情o既時候，到底過程中所做o既係屬於邊一種～？？

人生真係好快就過．．．
阿姨都話過，時間過左就係過左嫁喇～？！
如果唔珍惜眼前o既時間去做你應該做o既野，日後可能會好痛苦～？！

就住以上種種問題．．．
我地都傾左好耐，而且大家都表達左好多唔同意見～！！
今晚o係我人生中，又上左一堂好寶貴o既一課喇～！！

其實，今晚所傾o既問題我自己都有．．．
特別係對於我幾個仔同我之間o既問題囉～！！

表面風光，但背後又有幾多隱憂呢～？？
或者安於現狀可能會比較開心囉，不過又係咪真心想咁～？？

面對感情真係會變得唔理智．．．
始終人面對感情時係會變得自私，想要更多囉～！！
而阿姨有o既問題，其實o係幾個仔同我之間同時都存在～？！

或者因為咁，所以有我地就彼此都有同感啦．．．
冇足夠時間相處，的確會令一段感情越趨向淡嚕～！？＞＜”
究竟名與利，金錢係咪真係咁重要呢～？？

生活過得簡單，能夠滿足本身需求．．．
或者呢種就已經我同阿姨所想要o既一種生活啦～！！！
經歷，過程呢ｄ野真係比一切都來得重要呀～！！

雖然幾個仔都俾左一份好深o既肯定我．．．
但我最想要o既的確唔係物質，而係佢地o個份心唷～！！

電視劇裡面o既劇情真係好完美．．．
究竟我同幾個仔之間存在o既問題，係咪最終都會爆發呢～？？

另一方面．．．我由本月開始正式改英文名喇～！！
原有o既Ｔｒｉｄｅｎｔ將轉為Ｅｔｈａｎ唷～？！
而我改名o既原因係想藉此俾自己一個『重新o既開始』囉～！！

而幾個仔o既英文名，由一開始都係我負責幫佢地改嫁．．．
Ｄｅｎｎｉｓ已甩牌，仲有Ｓｑｕａｒｅ；Ｅｎｖｉｒｏ同Ｄａｒｔ唷～
而呢幾個名．．．最終又可以沿用到幾時呢～？？？