人同車都係一樣，最終都係會『離開』世界～？！
近日對於自己來講，都發生左好多不快事情唷～！！

自己本人就好想轉換下工作環境．．．
但始終仲有好多因素需要考慮，故仲未有決定啦～！！
同時好多人亦都俾左好多意見我，好等我諗清楚囉～？！

另一方面，近日身邊有好多人都相繼咁離開自己～！！
正正因為咁，不其然令我就種有深o既感慨嚕～！！
人生匆匆數十年，真係好快就會完結佢o既一生囉～！！

特別係近呢幾年啦，呢種感覺特別強烈．．．
自畢業後，發覺人o係成長左之後要面對o既一切真係會好唔同～？！
同時，我又好無奈咁承受〝聚少離多〞呢種情況嚕～！！
就係因為呢兩個原因，更加令我知道咩叫『珍惜』呀～！！

從前好多快樂o既時光，可以一齊日夕相對o既日子．．．
種種o既片段雖然永留心中，但可惜o既係此情難再喇～！！！
步入左成年人o既世界之後，始終好多野都會唔同啦～！！

未來一年，我其中兩個仔又（中五）畢業喇．．．
佢地各自o既未來、三兄弟o既感情又會係點呢～？！
我相信我宜家o既感覺，佢地好快就會感受得到囉～！！！

至於車方面，近日都真係好不幸呀．．．
接二連三咁發生多宗交通意外，令多部車損毀左唷～？！
人生同車都係一樣，總係有好多未知o既事會發生嚕～！！！

睇住ｄ車咁撞爛法，自己都不禁有一種無奈．．．
命運真係無法預料囉，所以我只求一切都安穩咋～！！
人就可以健康開心咁生活，而車就唔好發生任何意外囉～！！