隨住尋晚活動完結，今日又同阿三出左去旺角．．．
而今日出去o既目的，就係要幫阿二睇袋唷～！！

大約１：３０ｐｍ左右．．．
我地先到大興等，隨後就搭車（６６Ｘ）出去喇～！！
車程期間，我地都有傾下計；講下笑啦～！！

尋晚同阿三傾完之後，我覺得佢都有ｄ起色囉～！！
或者我地尋晚傾過o既野，佢或多或少都有諗過啦～？！
而今日見到佢有好o既轉變，我都覺得好開心囉～！！

而今日正題方面，我先去買左支洗面奶．．．
隨後就開始間間搵兼格價喇，搞左一輪後終於揀到兩個啦～？！
不過我地今次竟然拎唔到共識，所以就決定行多一轉再諗清楚先～？

期間，我地同阿二通過電話．．．
由於我地拿唔定主意，故此就打俾佢問問意見喇～！！
最終再行多一轉後，我地決定揀個第三選擇呀～？！

其實之前o個兩個袋都幾襯個仔嫁喇．．．
不過後尾又俾我地見到個更好o既，而且今次終於有共識添～？！
所以，我同阿三最終都決定買呢個袋俾阿二唷～！！

買完晒野之後，我地就行去旺火搭５９Ｘ喇．．．
車程期間，我地就主要傾下ＡＴＥ同３ＡＳＶ之分別嚕～！！
到差唔多返到屯門之際，我地就打俾阿二喇～！！

見到面之後．．．
大家都不忘有吹下水，講下笑話囉～！！
而個仔就好忙咁研究個袋，搞下個袋睇下靚唔靚喎～！？
搞到６：３０ｐｍ左右，我地就正式散喇～！！

阿二其一個心願就已經完成左喇．．．
接著（暫定）下一個星期，我地會幫佢睇埋波鞋唷～！！