煩擾左我一段時間o既問題，日前終於得到解決．．．
雖然我暫時未正式離職，但現況總比早前好嚕～！！

另一方面．．．
早前已經見左醫生，得知自己因工作壓力引致身體出問題～？
唉唉～我自己都冇諗過工作壓力係可以咁恐怖唷～？！

呢份工唔叫好，但總算唔叫太差囉．．．
而上司知我想辭職，佢都用左唔同方法留我啦～？！
再者因為某ｄ因素，所以我就決定暫時留低做住先啦～！！

另外，今年暑假即將步入尾聲喇．．．
我打算o係ｄ仔開學前，同佢地去海洋公園玩返日唷～！！
而原定迪士尼之行，就要等有關人士協調之後先可再搞喇～？！

雖然活動係已經定左，但能否成事仍然未知囉～！！
既然為左工作唔開心左咁耐，搵返日去癲下都唔太過份呀～？

同時，開學後o既佢地又會大把野要搞呀～！！
所以月尾時間，我地都應該會再同佢地會面一次嚕～！！
除左係公佈部份資料俾佢地知道外，仲要就係做開學前講話～！？
希望新一學年，佢地任何一方面都可以比去年做得更好啦～！！