阿姨終於o係早一晚返左來香港喇．．．
佢返左來，我當然趁機搵機傾計同訴苦啦～！！＞＜“

其實早於星期四（１０／８）呢晚，我又頂唔順喇～！！
搵四妹傾左一排，而且仲好不自覺咁喊左出來嚕～！！
我呢期一直都唔開心；壓力又大，其實身邊好多人都知道囉～！！

睇返ｄ仔o既ＩＥ－ＪＬ時，見到佢地寫o既野．．．
佢地全數都知道我好唔開心，但佢地又好想幫我～？
不過最可惜o既係，佢地有心但無力唷～！！＞＜“

另一方面．．．幾個細佬妹都已經放左榜～！！
雖然成績全部都未如理想；但幸好o既係，佢地已經有晒打算～？
下年就到我ｄ仔喇，唔知佢地到時又會點呢～？？＝．＝“

講返今日啦．．．
下午放工後，我同三少出左去旺角搵四妹囉～！！
因為四妹話想再諗清楚，搵ｄ咩課程係o岩自己讀喎～？

不過出去之前，我地先去天水圍交左網費同食野．．．
隨後，我地先正式搭車出發去搵四妹嫁～！！
出到去，我地梗係不忘傾計同行下街嫁啦～！！
我同四妹都算好傾呀，但三少佢就完全唔講野嚕～？？＞＜“

另外，今日三少先俾我鬧完囉．．．
而鬧佢o既野，主要都係圍繞住佢近日所有問題囉～！！
而且，佢近日所有表現的確係比早前差左好多呀～！？
唉唉～再咁落去，又多一個（仔）出事嫁喇～！！

夜晚時間，我同二少傾左一排電話．．．
當然，我地兩個就乜都講下啦～！！
講到三少時，二少都覺得佢唔知搞邊科囉～？？
而且，我又同二少研討左好多近日開始出現o既問題～！！
最終，我諗二少同我之間都應該有左相當程度o既共識嚕～！！

另一方面．．．
今日我終於都正式辭左份工喇．．．
為左呢個問題，我都煩左已經有成個月囉～！！
再者呢到做野o既壓力真係好大，又做得唔開心呀～！！
不過，我有ｄ比較傾得埋o既同事都好關心我囉～！！

雖然叫做暫時告一段落咋．．．
但係我又真係要再次努力搵工，面對另一個新開始喇～！

唔經唔覺，家族都已經成立左八年有多．．．
期間，不斷都有好多新成員加入囉～！！

呢段經歷．．．
對我來講好重要，而且有好多事情都令我好難忘～！！
因為我身邊原來係有咁多人陪我一齊行囉～！！

『朋友係一世嫁』．．．
呢個道理我係絕對明白，而且亦好認同嚕～！！
因為我有咩事，家族成員的確都幫左我好多囉～！！

舊有成員o既感情相比新人，係一定唔同囉～？
因為大部份人都已經畢業，已經各有各忙嚕～！！
能夠眾埋o既日子，真係少之又少呀～！！

正正因為咁，所以就更令我地珍惜大家之間o既感情～！！
同時，我地亦學識左咩叫做『珍惜眼前人』囉～！！
因為我地都會趁有時間就約出來傾計同見下面唷～！！

新人o既感情未能夠好似我地咁．．．
可能係因為佢地經歷o既野唔夠多，同時亦因為科技問題～？
科技發達左，卻令大家之間o既溝通越趨唔理想～？！

而我o係咁多年裡面，亦都經歷左好多喜怒哀樂～！！
而o係我身邊亦的確有住一個好幫我，好了解我o既人～！！
咁多年裡面佢都好支持我，我真係要好多謝佢嚕～！！

我一直想搵o既．．．
就係一個可以幫到我；了解我o既人囉～！！
而佢係咁多年內，亦啟發左我好多唔同道理嚕～！！

感情點樣先維繫得永久同真摯呀～？
或者．．．我身邊o既呢班家族成員就已經係我最好朋友～！！
希望我地大家o既感情都可以Ｆｏｒｅｖｅｒ啦～！！