今日放半晝，所以下半日又再出左街喇～！！
呢排日日都持續好唔開心囉，所以好想搵人陪下嚕～！！

由於係咁o既關係，今日約１１：３０ａｍ左右．．．
我打左俾阿二，叫佢安排今日下午唱Ｋ活動喇～！！
同時，我想趁呢個機會用來發洩下自己ｄ情緒唷～？

另一方面．．．
今日又同一個公司前同事講左一排電話呀～！！
因為佢係同我最ｆｄ，而且又叫好傾到計嚕～！！
搵佢傾左一排，起碼可以俾自己知道應該點面對份工呀～？？

再者，我仲有同一個小學同學傾過電話嚕．．．
唉唉～我地兩個都對宜家份工感到苦惱，好想轉工呀～！！
或者因為咁，所以大家都好明白對方o既感受囉～！！

另外，今日阿二，阿三同阿五都有出席唱Ｋ．．．
但後來阿五因為身有要事，所以就先行離開喇～！！
而且仲因為咁o既關係，發生左ｄ同金錢上有關之問題．．．
就係因為咁，就令到阿二同阿三對阿五更不滿喇～？＞＜“

再者，呢排我ｄ仔都知道我心情持續咁差．．．
但佢地已經好關心我，好體諒我；而且仲好盡力引我開心囉～？！
但佢地始終經驗尚淺啦，故此能夠做到o既野始終有限囉～！？
幾個仔雖然能力有限，但對我就有呢份心，其實我已經覺得好開心嫁喇～！？

另外，大妹同四妹都知道我近日好煩惱．．．
而佢地亦都先後同我傾過計，開解過我嫁喇～！！

講返今日啦．．．
我地三個唱Ｋ唱到７：３０ｐｍ先ｃｕｔ歌嚕～！！
嘩嘩～簡直就係唱到我地聲都沙晒呀～！！^^”

散場之後，我就搭車出左荃灣搵阿姨食晚飯～！！
而兩個仔同我去左搭車後，就各自返左屋企喇～！！

今晚趁有機會，同阿姨呻左好多野．．．
而且我地仲傾左好多近期發生之事情，又交換左好多意見囉～？！
始終最能夠幫到我，俾到意見我o既人都係佢嚕～！！

食完飯後，我地就一齊搭５８Ｍ返屯門．．．
因為我地話想爭取多ｄ時間傾計，講下心事唷～！！
而於我地上車前，收到阿二來電．．．
佢搵我原來係有事申報，同時佢趁機同阿姨吹左陣水囉～！！

整日行程都覺得好充實．．．
因為全日之中，唔同時間都有唔同o既人陪住我呀～！！