呢日仍舊要返工，而且仲好累添．．．
不過，我都爭取呢日放半晝o既時間出去輕鬆下呀～！！

今日２：００ｐｍ左右．．．
我同阿二，阿三就約好左先到大興等齊人先～！！
隨後，我地就搭６６Ｘ到旺角行街街啦～！！

車程期間一直都冇咩問題，大家都仲有傾有講．．．
但到左旺角後，阿三突然就變得古古怪怪喇～？＝．＝”
佢好似係發脾氣，但我同阿二問極佢，佢都冇回應～？
而且因為咁，差Ｄ就令我發脾氣鬧佢呀～？？

我同阿二今日就全程都有講有笑呀．．．
而且阿二仲死咁叫我千其唔好當眾鬧阿三添～？！
經過左一段時間後，阿三先開始慢慢回復正常嚕～！！

期間．．．
我地搵左間野坐低講下野兼飲飲野唷～！！
正正趁呢個時間，我就同阿三講下佢今日o既問題喇～？？

我地今次行旺角，主要係陪阿二買褲呀～！！
揀左一段時間後，佢終於都買左條短褲喇～！！
隨後，我地就走左去睇左一排波鞋呀～！！

到差唔多５：３０ｐｍ左右．．．
我地就行去搭８１入沙田，打算食晚飯喇～！！
車程氣氛同早前一樣好，大家照樣吹水同講笑囉～！！

去到沙田，我地先見到一場鬧劇．．．
隨後，我地就去左間餐廳食晚飯喇（食印尼野嫁）
食完飯後，大家都表示對今晚餐飯感到滿意啦～！！

食到７：３０ｐｍ左右，我地就行左陣沙田啦～！！
期間我地去左間舖睇左一排ＣＤ，ＶＣＤ唷～！！
之後，我地就搭返４８Ｘ落返荃灣喇～！！

車程一樣繼續爆笑．．．
落到荃灣都係行左一陣，之後再去搭車～！！
原本大家都打算各有各搭嫁，但最終就一齊搭５９Ｍ喎～？

搭車o個陣，我就少左講野．．．
主要都係佢地兩兄弟傾計，講野為主喇～！！
而且阿二仲好似好鍾意部ＡＰ－ＪＸ５４６７咁喎～！！

同阿二返到佢屋企樓下之後，我同阿三就行返去市中心～！！
期間，我同阿三傾左Ｄ野，講左Ｄ道理咁啦～！！
到５８Ｘ埋站後，我地就正式散喇～！！

返到屋企之後，我地三父子仲傾左一陣ＩＣＱ添～！！
哈～阿二仲話好滿意今日買左o既o個條褲呀～！！
而阿三就同我講緊ｄｌ歌o既問題呀～！！
搞到１１：４５ｐｍ左右，大家就收線喇～！！