尋日就同阿大見左啦．．．
而今日下午就到阿二，阿三及阿五喇喎～！！

大約２：３０ｐｍ左右．．．
我地四人去左市中心Ｍ記等兼在此會面喇～！！

就住佢地過往一年o既表現，同佢地講左一排～！！
期間，阿三可能因為自己要留班關係而喊左出來嚕～？！

唉唉～不過咁都好o既．．．
起碼佢可以將自己心裡面o既唔開心發洩左出來囉～？！
但於會面時，阿五表現就令人感到不滿喇～！！＝．＝”

隨後，我同阿二，阿三去左行左一排街呀～！！
因為．．．阿二話佢冇新褲著，想去買褲呀～！！
不過睇左一排，唔係睇唔o岩就冇佢ｓｉｚｅ呀～？！＝．＝”

整體來講，今日只有阿二o既表現令我滿意嚕～！！
搞到６：００ｐｍ左右，大家就正式散喇～！！

阿五o既表現，一直以來都引起大家不滿．．．
特別係佢幾個阿哥囉，佢地近日都開始唔耐煩～？！

而且今日會面期間，阿五當時o既表現已令阿二感覺憤怒．．．
其實當時o既我都已經好嬲，但我估唔到竟然會由阿二開聲話佢～？
而且於對答期間，阿二係咁針對住阿五所有o既問題囉～！！＝．＝”

夜晚時間，同四個仔用ＩＣＱ傾左一排啦～！！
我地傾左關於阿五o既問題及去留，又傾埋『三甲』問題．．．

最終．．．
真正咁俾我知道點解佢地唔可以發揮到兄弟間o既『情』喇～！！

同時又俾我知道左Ｄ野囉．．．
原來阿姨一直所講o既野，好可能會係真唷～！！
如果大家個心唔係一致，根本唔可能會相處得耐～？！

作為『一家人』o既呢段情究竟仲可以拖幾耐呀～？？
佢地畢業之後，會唔會真係好似阿姨所講o既咁呀～？？

阿五已經開始出現問題，我對佢已經唔敢再有期望～？
餘下三個．．．我又可以再擺幾多感情落去呀～？＞＜”

出道最短日子o既竟然對我最真．．．
老實啦，呢樣野的確令我既開心又驚訝囉～！！
而阿大同阿二佢地對我係好，而且明顯係好有感情．．．
但經過尋晚對答後，終於令我明白到係咩一回事囉～？！

至於阿三．．．
我只可以講句〝對唔住〞同〝多謝〞囉～！！
佢對我o既好，好可能唔及我對佢個心囉～！！＞＜”

感情呢Ｄ野，理想同事實永遠都係兩回事呀～！！
原來．．．好多野係唔可能成正比囉～！！