呢期，我地五父子都好黑仔．．．
我地五個竟然一次過全部都病晒唷～！！＞ｗ＜”

阿大同阿五到目前為止，兩個都病左大半．．．
而我．．．就已經發左燒加埋胃抽筋唷～！！＝．＝”
唉～辛苦到我．．．簡直超想死呀～！！
後來睇左醫生，訓左兩日終於開始好返ｄ喇～！！

另一方面．．．
阿二同阿三呢兩個較強壯o既仔都先後病倒～！！＝．＝”
阿二o係本週二（２１／３）請假；而阿三就本週三（２２／３）請假呀～！！
佢兩個請假一事，真係令我感到驚訝嚕～！！

其實早於星期一之時．．．
阿大同阿二於當日上完經濟科補課後，已經話我知有唔舒服～？
不過，我最估唔到o既係阿二竟然會o係之後o個日就真係病左～？

原本我都唔知道佢請左假冇返嫁．．．
後來夜晚時候，我同阿三傾左陣電話先至知咋～！！＝．＝”
而呢日o既阿二就全日訓死左囉～！！＝．＝”

而o係呢日午膳時間．．．
阿三曾經打過俾阿二，但阿二就話：『我就死喇』～！！

同時，呢日我都病到死死下啦．．．
就連阿五於呢日下午之世史補課，我都冇去睇唷～！！
而呢日夜晚，就到阿三正式同我講話佢已經病左嚕～！！＞＿＜”

到左星期三，阿二放學時照舊咁打來搵我傾幾句～！！
而我亦係到左呢個時候，先知道阿三於呢日缺席呀～！！＝．＝”
同時，呢日原定生物科補課亦被迫要取消喇～！！

其實於阿二放學之際，佢打過俾阿三嫁．．．
不過阿三同佢情況一樣，就係病到訓死左囉～！！＝．＝”
大約６：００ｐｍ左右，我就打俾阿三了解過情況～！！

由於阿三是日缺席關係，所以週記我就轉交左俾阿二喇～！！
因為阿二打俾我之際，正正就係佢搭架車經我樓下之時呀～？
所以我就叫佢落車代拎週記，聽日發還返俾其他兄弟嚕～！！

藉機除左叫阿二拎週記之外，我地亦傾左一陣囉～！！
哈哈～原來我地兩父子是次病徵同ｄ藥係完全一樣囉～？？
講到呢個話題之時，我地兩個都笑爆咀呀～！！^.^"

夜晚，我同阿大傾左一陣ＩＣＱ啦．．．
佢就同我講佢已經病緊，不過情況未算太嚴重喎～！？
而佢又話繼阿二同阿三請假後，佢可能會係下一個唷～？＝．＝”

我自己都仲係未完全康復，希望自己快ｄ好返之餘．．．
亦希望幾個仔都可以盡快好返晒，回復返好似平時咁精靈啦～！！