話咁快又到今年最後一日喇．．．
聽日開始，就會係新一年，新一日喇～！！

兜兜轉轉，來來回回．．．好多野仍然冇變．．．
喜與悲，得與失．．．呢年內亦有唔少囉～！！

年頭開開心心過農曆新年．．．
人人都開開心心咁迎雞年，迎接新一年２００５～

但好景不常，ＮＯ２出現嚴重叛變．．．
當時唯有雪藏佢，同時o係２月就多左個ＮＯ１喇～

３月有家族大型活動．．．
個個都趁機會相聚一番，主要係傾計同玩～

３月同時係ＮＯ５生日喇．．．
早前叛變完之後，開始回復正常並參與多項家族活動～

同時，ＮＯ５為升中四而努力．．．
家族上上下下都幫佢補課，齊齊渡過呢個難關～

隨後ＮＯ２經過ＮＯ１、ＮＯ５及身邊多人勸導後．．．
慢慢回復正常，並於７月正式復出～

過後，細佬Ｂｅｎ個女友正常登場．．．
Ｒａｉｎ姐為人相當風趣好玩，我地仲一起玩過好多次添～

７月初好多人幫我慶祝生日．．．
一個o係大雨中玩及渡過o既難忘生日呀～

跟住，到ｄ仔仔放暑假．．．
安排多項活動齊齊玩，當然都要做下功課啦～

到開學之後，全部仔仔正常．．．
而且又係巴爸生日，所以派左ｄ仔去搵佢諗住慶祝呀～

同時９月中係ＮＯ１生日喎．．．
呢個亦係佢出道之後第一個生日呀～

月尾時間．．．
家族有個小型聚會，主要都係當幫ＮＯ１及巴爸補祝～

１０月開始．．．
ＮＯ２開始正常之際，又到ＮＯ５出現問題嚕～

１１月時雖然ＮＯ２好似一切正常，但背後仍然存在隱憂．．．
幸好靠大家o既努力，呢場風波可得以平息並幫佢慶祝生日呀～

同時o係呢個月ＮＯ２再次有事件發生．．．
唔知係咪因為誤會而結合，最終令ＮＯ３出道～

１２月中，人人都咁忙．．．
但家族o係巴爸新屋搞左次聚會，俾大家聚下見下面～

月尾除夕夜．．．
同四個仔開開心心玩返晚，一齊迎２００６啦～

呢年裡面．．．發生過咁多件事，雖然有好有唔好．．．
希望大家o係o黎緊o既２００６年會過得更好啦～！！